وجـه الشبـه مابيـن قلبـي وبينـك=شوقه وشوقك للغيوم ومطرها
يـحـن مثـلـك لا تـزايـد حنـيـنـك=ويناظر الغيمه ويرجـي قطرّهـا
انتي صحاري والسحايب تزينك=لا رذرذت بالغيـث والله امـرهـا
تروي ضما كبدك ويزداد زينك=وليا ارتوت كبدك تلاشا دهرهـا
يخّضرّ عشبك فـي ثنايـا جبينـك=ويسر منظر وجنتك من نظرهـا
رجع الوسـم منيـه وقـره لعينـك=ياكيف الوم القلب يـوم انتظرهـا
يذبل خضارك لوتجافـت سنينـك=وقلبي بعد واحه ويذبـل زهرهـا