راقي=
نادو محمد سعد نادوه=بالله قولوله لك منادي
وان كان عيّا يجي جيبوه =مخفور في مركز النادي
اليوبي=
ياراقي الذيب مـا ردوه=الناس .. لا أقبل ينـادي
لكن .. يادوب ما شافوه=في يديه بارود وزنادي
راقي=
هذا محمد سعد حيوه=عهدي به العام في جمادي
ترحيب فالقيل ماخطوه =باللي حضوره مهو عادي
اليوبي=
جاكم ولامن حضر مدوه=باللي على وسقها شدادي
وتبقى لنا يافهد عـدوه=لابان مثل البـدر بـادي
راقي=
عانيت من حال ماعانوه=اهل الهوى يابن الاجوادي
اشكي عزولي بعد حطوه =بالقرب وانا ابتعد غادي
اليوبي=
إن كان قلب العنا صادوه=بعيـون قتالـه حـدادي
استثمر اللعـب لاهـدوه=يمكن ينسنس هوى هادي
راقي=
ماقلت عهد الهوى ينسوه=ويقضي عزولي على ودادي
من بعد كاس الهنا صبوه=بالامس في عيد ميلادي