راقي بهامتي=
لي حرف بلحيـل متشفـق = شفقان يبغى يلاقي حرف
حرفين مع بعضهـا تحلـق = اليـا تلاقـت تسـوي ولــف
سالم البشري=
سـالــم عـلــي جــــاك مـتـرفــق = يصرف ثمين المعاني صرف
والــحــرف لاصـــــار مـتــوفــق = لابـــد يـلـقـى نـصـيـر وحـلــف
راقي بهامتي=
نعمـيـن واخـــوك مـاصــدق = براع الوفا والمثل والعـرف
وبعداد برق الحيا ماابرق = سلام مـن حامـي الموقـف
سالم البشري=
عـلــيــك مـــــاازود مــتــوثــق = ممشاي قدّام ماارجع خلف
يـالـلـي سـلامــك لـنــا لـحــق = ترحيـب عـد الـروى ماجـف
راقي بهامتي=
اشـكـي لعـلـك مـعـي مــروق = وتفزع لامني شكيت الظرف
يـاسـالـم الـبـعـد كـــم حـــرق = قلـب المعنّـا وحـاف الـطـرف
سالم علي البشري=
مــاتــلام لاصــــار مـتـعـلّــق = قلب المعنّا وحار الوصف
ولاافـتـيـك قـــدّام لااتـحـقـق = البعـد مقصـود ولاّ صــدف
راقي بهامتي=
قلبـي علـى الوصـل متـشـوق = يشكي اثار انشقاق الصـف
هــذا مـغـرب وذا مـشـرق = عيت يدين العـزول تكـف
سالم البشري=
بافـتـيـك مـــن غــيــر مــافــرّق =ولابفتش اللي فوسط الظرف
اسـعـالــه الــوصــل واتــفـــوّق = على الردى فالزمان الصلـف
والـلـي يـبـا العـكـس مـتـوهـق = وجـهـة نظريستـحـق العـطـف
قــال النـبـي فــاز مـــن سـبّــق = مـنــه بــــدا خـطـوتــه لــلألــف