يامرحبا واهلين بقدوم الملك = هاذا ملكنا حامي الدار الامين
ياحي عبدالله لداره ماترك = قال الصحيح ويعثرون الكاذبين
الليل لامنه حلك لو ه حلك = يجلاه صبحن يتضح للناضرين
يامروّج الفتنه ترى مانحسبك = لاتحسبنا من فعولك غافلين
هاذا الكلام اللي نقوله حطمك = متحطمن لو تظهر بسمن وسمين
تكذب وكذبك واضحن على فمك =ولاعاد ينفع بك لاحصن ولاحصين
من دون ديرتنا رجالن تشعرك =مهابط الوحي وديار الصالحين
انعاهد الله ياملك ونعاهدك = انّا معك حتى نشيل الضالمين
حنا معك والله قويّن ينصرك = على المعادي والعدا والحاقدين
انقلت قولن يقنع اللي يسمعك = هاذي سوات المؤمنين الفايزين
بهمومنا حسيت وحنا نقدرك = ياساهرن حنا لعينك ساهرين
ابو متعب يامتعب اللي يقربك =معك الرجال اللي على الشده تبين
أهل الظفر واهل الشجاعه تسندك =قبايلن تضرب على الكايد يلين
لاغنو الشعار نبا نمدحك = والمدح يزها كل حلحيلن فطين
ونقول لرهاب البلد وش قرّبك =هاذي ديار اجدودنا يالعاثرين
ويامرحبا واهلين بقدوم الملك = ومع الشدايد يظهرون النادرين