المشاركة الأصلية كتبت بواسطة العوفي سمي الحر

صبري قضى واليوم يابن سليمان = صفٍ قضى وانته على راس صفا
العقل في راسي وفي فكي لسان = والشعر عندي نار ماهي تطفا
انته شبيه الهرش في وسط حيران = منته بخافي لو تحاول تخفا
ساعة فراقك تشترى باغلى الاثمان = كنها على كبدي رحيق مصفا
ياخفيَف من فاضي الهرج مليان = غيمة سماجه وبلها مايكفا
والجيب سجن المال والبخل سجان = ولاطار منك ريال ودك توفا
قلته وانا راحمك يابن سليمان = معطيك ما قد قل منها وخفا
والدور عدا مير يمكن بعد اَن = ياتيك راجع من بعد عنك قفا