المشاركة الأصلية كتبت بواسطة حفيد الحجيري

من زعلّ اللي ما رضيت بداله=اللي قليبي لا زهمني جاله
من قبل ألدّ الطرف في زاهمني=القى قليبي قد وقع فحباله
منهو مضيق خاطره قولولي=عطوني اسم اللي مكدر باله
لا يا بعدهم كلهم لا تزعل=لا يضيق مبسم كلنا فدواله
يامن ملكت القلب واستحكمته=سواة حكم العود ثم عياله
انت الوحيد اللي تربع عرشه=يومن غيرك به كما الرحاله
وانت الوحيد اللي سكنت ضلوعي=وانت اللذي قلبي غدا مركاله
سلبتني والصدق جيتك عنوه=ياب العيون السود والقتاله
حيثك حويت الزين خصله خصله=حتى اكتمل حسنك بكل خصاله
يا عمري اضحك والشقا لي خله=اللي بصدرك صدرنا يشتاله
أنا عشان رضاك ابيع الدنيا=أهم شي اسلى وخَلك داله
والوجه ذا لا تعتريه الضيقه=وهْوَ سبب يجلى الكدر بقباله