دوك قلبي ياحبيبي لك مصعته دوكه=خلك اٍن فارقت عيني من خفوقي داني
اغرسه في طينةٍ بمواصلك مبروكه=واحتمه من اَفة الهجران والحرماني
واسقه من الحب يومياً لكنٌ ارجوكه=لاتغرق قلبي اللي بالهوا غرقاني
وان بغيت الشعر قلي وانت سيد ملوكه =والله اني للبسك من شعري التيجاني
اقتطف من شعري واترك شوكه=خل شوكه ياحبيبي قسم من يشناني
والعواذل كانهم بهروجهم لحقوكه=فدوةٍ لك نصهم واللي بقا يفداني
ماقلوب العاشقين بكيفهم مفكوكه=القدر من فوقنا لقلوبنا سلطاني
ياحبيبي والله اني حالتي مدكوكه=من سببك وبسببي واستاهله ماجاني
ليه اخلي عيني لحكم الهوى متروكه=لين شافت من حلاك الثغر والاعياني
قلتها لك يالحبيب وخافقي يدعوكه=انك تجود بوصالك بقرب الازماني
والضمان القلب مني قد مصعته دوكه=واي ذنب جاك مني يوجب الهجراني