السلام عليكم ورحمه الله وبركاته
؟
"
"
من لايحسب ان الليالي عنيده = يعيش في وقته ويجرب حلاياه
ماكل واحد لاتحرك وريده = مايضمن ان الدم مايرود ممشاه
واحد ليا جاته هقاوي سعيده = يفرح ويعلم عنها كل من جاه
واحد(ن) ليا جاته مطيه نكيده = مايبيح مكنونه من الغلب والاه
وماكل من قالوا سلوكه حميده = يكرم ضيوف الله ويدسم الحاه
وماكل شاعر لابناله قصيده = مايخلتف في يوم عن نهج مبناه
وماكل فارس ليا شب الوقيده = في حزة الماقف مع الجيش تلقاه
وماكل مفتي لابدا بالعقيده = يفعل بها قدام يرهي وصاياه
ان كان ماسويت صبه وميده = بيطح ساسك من قبل يوم تبداه
والمومن الفاهم مايودع رصيده = الا بفعل الخير وعبادة الله
والدرب ممشي , والقليله عديده = والله يجملني مع الوقت وسراه