عزالله إني ابا أحتار في ردي ..
ولكن بالبداية أبا أقوله وش تخبر عنها ؟
ومهما كان رده أبا أقوله
تبا تلقى ياعم من يوصلك للطرف الآخر من الشارع
وكأني به عندما أردت الذهاب من عنده
أمسك بيدي وأقعدني على الكرسي الذي بجوارنا
وقال : حدثني أكثر :
فقلت : ياعم تبا تلقى من يوصلك للطرف الآخر من الشارع
ولكن لن تجد من يطرق بابك ويسألك هل أنت بحاجة مساعدة
ياعم كنا بعد تسليم الإمام نسمع من ينادي للقهوة
ياعم هالنغمة صارت قديمة مع العولمة(واللي يخليك لاتنشد عن العولمة)
ياعم ماعاد للرجل كلمة على خواته وبنات خواته أو بنات أخوانه
كلمته يادوب حدود بيته وياليتها تعم بيته
ياعم الأخوان ماعاد يتقابلون
والعيال يادوب يمرون شيبانهم بس .. واجب ولابد منه وعلى عجل
إذا أنت تخبر الجار يشارك بتربية ابن جاره
هالحين يتهم بالتحرش بابن جاره
ياعم أنت محروم من النور وحنا محرومين من الظلام
واليوم صار كله نهار لو متجبر نفسك تنام كان مانمت
ياعم آآآ
ياعم لحظة لحظة وين أنت رايح؟
ياعم .. ياعم .. خلني مير أقطعك الشارع
رد علي : ماأثق فيك ماأثق فيك
أفاااااااا .. تأثر الشايب وصار منهم
ليتني ماعلمته وخليته على عمااااه