ياعين يكفـي لاتزيديـن الاحـزان=زرق الدمـوع النازفـه مانفعتنـي
العام دمعي دم من فـوق الاوجـان=وبالصدر عبرات الحـزن خانقتنـي واليوم مثل العـام مافيـه نقصـان=الاهمـوم الـعـام زود اعلقتـنـي وصار الرصيد احزان والجفن سهران=وكن الجبال الشامخه فـوق متنـي بسبـاب دنيـآ روحتلـي بـجـدان=بفراقهـم بخـلال عـام اصفقتنـي جيت القبور اللي لنا بكـره اوطـان=وشفت النصايب والعبـار احرقتنـي ووقفت فوق القبر ضايق ووجـلان=ودنقت احبـه والدمـوع اغرقتنـي ولديت راسي عقب ماقفيت شفقـان=ماودي اطلـع والغبـون ارهقتنـي ذكرت جدي وجـد جـدي كحيـلان=اللي عليهـم نـار بقعـى كوتنـي راحو هل الطولات ذربيـن الايمـان=والعين من فرقى الجـدود اابتلتنـي ياعين يكفـي لاتزيديـن الاحـزان=زرق الدمـوع النازفـه مانفعتنـي اللي بقى منهم ولو طالـت ازمـان=بفراقهـم ان مابكيـتـي بكتـنـي هذا مصير الخلـق والمـوت ديـان=ودنيـآ توطتهـم تـرى واطيتـنـي |
الشاعر المتألق محمد عبدالمحسن البدراني صح السانك وبيض الله وجهك تحياتي |
الشاعر المبدع
محمد عبدالمحسن البدراني ادامك الله وادام الله الابداع صح السانك وبيض الله وجهك |
الشاعر المبدع و المتألق محمد عبدالمحسن البدراني صح السانك يالغالي ويبيض الله وجهك تحياتي وتقديري عاشق بريده |
الشاعر محمد عبدالمحسن البدراني صح لسانك وبيض الله وجهك يالغالي اخوك سلطان |
الشاعر محمد البدراني صح لسانك |
سلمت وصح الله السانك
قصيده وافيه من وافي لا هنت وتقبل تحياتي بن فرهود الحربي |
صح لسانك وبيض الله وجهك |
صح لسانك وسلم بنانك اخويي
|
صح الله لسانك
ولاهنت وسلم فكرك وبنانك دمت برعاية الله وحفظة |
الساعة الآن 06:28 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir