ما ألدّ عيني فالردي لو عجبني=عيني معودّها على كامل الزين
واذا انجذبت لحي طيبه جذبني=وألاّ الردي ما يجذب إلاّ الرديين
واذا بنيت أقوّم الساس وأبني=ساساً ما يهتز لو تعاقبّه اسنين
وبنياً على .. سيسان من صمّ .. مبني=ماهو كما بنياَ مسيسّ من الطين
ما أغرس .. وأحب أزرع ومن زرعي أجني=دام إنّ لغيري يد أنا ليّه ايدين
زرعاً ما تتعب فيه و يجيك مجني=ماله طعَم لو طعْمه أطعَم من التين
واذا كتبت القاف ، قافي كتبني=قبل أكتبه ، يبدع لي الجيم والسين
وما قلت عن قافاً كتبته طربني=سلطان لكن فيه غيري سلاطين
واللي يثمن فالبنا لو نقدني=نقده شهاده لي وللحرف تثمين
وماهو غرور إن قلت محدن غلبني=قسمي وفيته والرياجيل وافين
وماهو تواضع لوّ غيري جعلني=بالحرف أوقعّ له بحرفي عناوين
حرفاً عجبني لو من أصغر من اِبني=أرميله عقالي فوسط الملايين
وحرفاً ما يعجبني لو إنّه سبقني=فالشعر تحت بيوته أحطّ خطين
يعني خلاصة قولنا نقول يعني=شيهان .. ما تخفى عليه الشياهين
الله عطاني والله اللي وهبني=والحمد لله نعمة ... العقل و الدين

والــلـــي يـثــمــن فـالـبــنــا لــــــو نــقــدنــي == نــقــده شــهــاده لــــي ولـلــحــرف تـثـمـيــن
ومـاهـو غـــرور إن قـلــت مـحــدن غلـبـنـي == قـســمــي وفــيــتــه والـريـاجــيــل وافـــيـــن

الله على الابداع
صح لسانك ياحسن
دائما مبدع ولاهي غرابه
منتظر جديدك
وديوتقديري

المشاركة الأصلية كتبت بواسطة العنود. (المشاركة 1044542) صح السانك وبيض الله وجهك