طلال بالله قرب الهاف ليه = وعب التوانك شرط من شيشة إدريس
هافً جديد ولا عليه الحنيه = تلقاه بالرصه خلاف الأتابيس
شوف المهندس شرقي الناصريه = افحص عليه وعلمه بالحواسيس
تراه له بالدار ناس ادوميه = لكن اطلعه باليل عن الجواسيس
من الكويت مروحينه عشيه = عليه من شكل القريفل ملاميس
مغّلق التمرين فالقادسيه = امرنه مشعان والا كديميس
دقت سوشته تقل حس برديه = مثل الرعد في عرض مزنً غواطيس
لياعطاله سهلتً جرهديه= حذف الحصى طلقات عقب النواديس
لأعّلم انبيره على رقم ميه = سكر قزاز الباب عن النسانيس
وخل القصيم يمين وانصى الحويه = وسيس محل البدو يالقرم تسيس
اهل الدلال مقدمين التحيه = من قبل تقلط بنهم فالمحاميس
أبنحر المجمول رادع شفيه = اظني ادله عن كثير الهواجيس
هذي ثمان سنين بالعسكريه = اقدامنا طلقه وحنا محابيس

المشاركة الأصلية كتبت بواسطة زيزوم حرب (المشاركة 1043277) وعليكم السلام ورحمة الله وبركاته اولاً نرحب بك أجمل ترحيب يابن عريمان بملتقى حرب الرسمي وارحب تراحيب المطر وحياك الله من ممشاك الى ملفاك ويشرفنا تواجد منهم بمثل شخصك شخصاً وشاعراً والله يحييك بين أبناء عمومتك من ناحية القصيده صح لسانك ملايين وسلم حصانك على هذه القصيده الجزله بجزالتك وبدايه موفقه يالمسروحي وعلى الجرح يعلم الله لأني من عشاق هذا النوع من القصيد تسلم أناملك لما خطت لنا من أبداع وبأنتظار قديمك وجديدك على أحر من جمر السمر هذا وتقبل ودي وأحترامي لشخصك