ملتقى قبيلة حرب الرسمي - لحن أخوي لعلها تحوز على رضاكم وإستحسانكم

في يوم الإثنين الموافق 6/6/1432هـ جرى هذا اللحن

بين الشاعرين/ ماجد عبدالله أبومديدهـ & فريد عبدالله أبومديدهـ الجدعاني

إليكم مادار هذا اللحن

ماجدأبومديده=
اليوم أبا أشوف قدراتك=وإللي فهمته من أول أمس
ياأعطيك كامل علاماتك=ولا أقلك تعيد الدرس
فريدأبومديده=
ياخوك ماهي بعاداتك=وإنت فالأمثال متمرس
رغم السلام الذي فاتك=مسموح بس المثل لايدس
ماجدأبومديده=
سلام والآن ساحاتك=لجلك حمست المعاني حمس
برصد 100 في سجلاتك=وأقول حرفي معك يأنس
فريدأبومديده=
مادام حزنا شهاداتك=ترحيب واضح وضوح الشمس
وياليت تقرح بخبراتك=حتى نعيش الهنا والأنس
ماجدأبومديده=
نظره على قيس نظراتك=في حال قلب العليل وبس
من بعد هاهآت جاباتك=عن الهوى بعد مانسنس
فريدأبومديده=
حاظر وأوجز لنا أبياتك=المشتكي يشتكي ماحس
حتى ندقق في علاتك=ونعطيك وصفه وتستأنس
ماجدأبومديده=
قلبي تورى مناجاتك=يوم الموده هواها هس
على أمل في علاجاتك=لعلها تستريح النفس
فريدأبومديده=
مادمت طالب مداواتك=بعطيك شوري وأمد الخمس
لاعاكس الود حالاتك=أصبر وجاهد ولاتيأس