المزبان=
الصدفه اللي بلا ميعاد=أخير من وعد مانوفيه
سلام مثل الحيا ينقاد=والخير يا اصحابنا قافيه
بلاق المعاني=
أجمل تراحيب بالأجواد=معلن على الكل ما نخفيه
والبارق اللي معه رعاد=لا بد مايتضح صافيه
المزبان=
تبقون وأنتم من الرواد=حاضر ويبنى على ماضيه
لو يجمع الناس ملح وزاد=وش قلت لي فالذي ناسيه
برق المعاني=
درب الوفا يالكريم جهاد=ومثلك انا بالمثل شاكيه
أقفى عليه الثياب جداد=ويخطي على الناس ونخطيه
المزبان=
انا فشرح المعاني جاد=ابفصد الجرح وأكويه
وأنته تجمل وحط ضماد =لاتدري الناس عن خافيه
برق المعاني=
انا معك مجتهد فالماد=لو كان ابو زيد بداويه
للحق عندي سيوف حداد=ومن باع بالكوم ما نشريه
المزبان=
حرية الراي يالاستاد=مصادره والعقول تتيه
ولوكنت واضح مع الأضداد=تشمت بك الناس فيه وفيه
برق المعاني=
عطني على المشكله إسناد=بناقش الوضع واصفّيه
وإن كان راحت صلف وعناد=بيشوف له شي ما يرضيه
المزبان=
يقول خلك معي سداد=وكل ما تمنيت بتلاقيه
وأنا أجتهد وأدرس الأبعاد=لكن جهدي هبا يرميه
برق المعاني=
ما يجوز ياخذ أجر كداد=من خوف رب الملا يبليه
أكيد حاسد من الحساد=يفرّغه يوم ويعبيه
المزبان=
أصم وأبكم لقي نشاد=لو يرفع الصوت ما يوحيه
يوخر النون حرف الضاد=ويبني على شي متوريه
برق المعاني=
بعض العرب من ثمود وعاد=يقدم الظن ويبديه
ما فاد نصحي معه ما فاد=لو دله الدرب ما يمشيه