|
سالم العرم ... يـالـيـت مال الحي مـيـت ويـبـكـيـه
وجدي على اللي كل ما ضاق صدري قالت حشى ما يضيق صدرك وانا فيه ما اقول تـعلم غـيب لكن تـدري عن الكلام اللي بصدري مخفيه من صغر سني لين وش صار كبري وانا سوات البيت تسس وتبـنـيه تسرح على شاني وتضوي وتسري وتسوي اللي غيرها ما يسويه لمسة ايديها لا قوى السقم تبري بأمر الله اللي ميت الخلق يحيـيه ياما اجبرت في ماضي الوقت كسري وياما بغيت وقالت الدرب لا اتـيه وان قلت لي ما انته على قد خبري اقول خذ من زبدة الشعر تاليه عزالله ان الحال بالحيل مزري والمعترف ماهو بنايم تصحيه عاين ثماني عودت بعد عشري وقربت هقاوي من بعيده هقاويه ياصاحبي ياقوي قلبي وصبري على فراق اللي يـبيني وانا ابـيه ياليت ساعة قبرها كان قبري من شان مال الحي ميت ويـبكيه |
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
تسلم على مرورك الغالي |
سالم العرم قصيده مليئه باالصدق والأحساس ومؤثره حقيقه في النفس ،،،، تقبل مروري . |
صح السانك وبيض الله وجهك ودام ابداعك
|
اشكركم على مروركم العطر |
صح السانك واعتلا شانك ياسالم العرم
قصيده رائعه بروعة حضورك دمت بكل خير |
تسلم على مرورك لا خلا ولا عدم |
ما اقول تـعلم غـيب لكن تـدري == عن الكلام اللي بصدري مخفيه صح لسانك شاعرنا القدير وبيض الله وك |
صح لسسسانك
قصيده جزله من شاعر جزل لاهنت يالغااالي .. |
الساعة الآن 01:43 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir