ملتقى قبيلة حرب الرسمي - حفل الأخ محمد سعد الفليح بالجبيل الصناعيه لـ عبدالعزيز العسكر الحربي

يامرحبا ترحيبةٍ مابها حســاب = ترحيبةٍ تضفي على من حضرها
ترحيبةٍ فيها شــذى كل الاطياب =وريـح الرياض اللي جديدٍ زهرها
من عقب غرٍ تنثر الوبل صباب = لين اكتسى كل الوطاء بعد اثرها
يامرحبا ترحيب من كل الالباب =في حفل حرب اللي بعيدٍ نظرها
بالحاضرين من القبيلة والاجناب = ترحيبةٍ من قالها ما ختصرها
على السعة ومقدم الطيب كساب = بضيافة اللي دعوته ماقصرها
من خلقته عن واجب الطيب ماغاب = المرجلة هي منوته واعتبرها
محمد اللي لا هبى كل هياب = له سيرةٍ نفخر بها ونخبرها
فخر لربعه لا تصنع ولا اكذاب = ونصف القبايل طيبها من جبرها
راس علويٍ في سبيل الوفاء شاب = نفسه على روم المعالي صخرها
العندم اللي كل ماتحرقه طاب = لا غيرت سود الضغائن سيرها
من روس ربعٍ مجدهم صرح وكتاب = عزوة حمول الخيل لا اقبل خطرها
حربٍ محاربة الدول يوم الانشاب = والصيت لولا فعلها ماشهرها
واثني كلامي والمعاني لها اسباب = وفي وقتها لابد يطلع خبرها
شهادة مني بلا قيد وعتاب = مني لابو يازيد معنى فخرها
عبدالعزيز وكل ماعقب عقاب = روس الحرار اللي قديمٍ سطرها
اهل المليحا يوم دقلات الاسراب = سقم الاعادي لاتزايد قشرها
اولاد عودٍ بالفعايل والانساب = ثبت براهين الفعول ونشرها
محمديٍ بالمواقف والالقاب = له عزوةٍ من هازها ماقدرها
سليم لابطت بين طالب وطلاب = عنده مفاتيح القضاء لاحضرها
اسمه سمت فيه القبيلة ولا خاب = عبر السنين بريفها مع دهرها
ربعن لنا نفخر بهم طيب واعجاب = والنار جذوة جمرها من شجرها
وكل القبائل بالفعايل لها باب = محدٍ تولى المرجلة واحتكرها
ولا جاحداً للطيب ياكود نصاب = واللي سعى للطيبة ماخسرها
والا الجهل وروايته مثل الارهاب = شرٍ لياصاب الخلايق دمرها
ويامرحبا ترحبيةٍ كيفها طاب = بضيافة اللي دعوته ماقصرها