الغشيم العماوي مايعرْف العسل=العسل مايَعَرْفه غير شخصٍ خبير
ولايجيب العسل من دون لسع النحل=والنحل مثل ماتدرون لسعه خطير
في طريق المناحل كم حصل كم حصل=مير يصبر على اللسعات واللي يصير
والرطب دونه المسموم شوك النخل=ماسلم منه مهما كان رجلٍ شطير
وكل حالي وقبله مر ماهو سهل=وكل شئٍ يجي ببلاش مافيه خير
هل يطيب العسل من دون لسعة نحل=وهل يطيب العمل من دون برد وهجير
وهل يصير العمل من دون جهد وعمل=وهل يجوز الأجر من دون جهد الاجير
وهل يدوم الوصل من دون همزة وصل=وهل تطول العلاقه دون وصل العشير
وهل تدوم المحبه دون ود وزعل=وهل تزين الورود بدون لون وعبير
وهل يجوز الشعر من دون شعر الغزل=وهل تزين القصايد دون ذكر الاخير
المهم ان بعض الناس مثل الهبل=يشرب من العسل بأكواب مثل العصير
والأهم ان مابه في ؟؟؟امل=لو نقشت القصايد فيه نقش الحرير

المشاركة الأصلية كتبت بواسطة القناصه (المشاركة 1025727) وهل يصير العمل من دون جهد وعمـلوهل يجوز الأجر من دون جهد الاجيـر صح لسااااانك ملايييين يالغيداني من اجمل ماقرات حيرتني كل بيت اجمل من الثاني كل الووود والاحترام لشخصك الكريم