سلام للحفل الكبير وراعي الحفل الكبيـر=والدوحه اللي بالوفا والخير ضافي ظلهـا
ليا وقف شاعر من عتيبه وشاعر من مطير=الأولـه والثانيـه واللـي عقدهـا يحلهـا
يامرحبابك بالنيابه وأنت ماحجمـك صغيـر=شاعر وفاهـم فالسوالـف والمعانـي كلهـا
عطني علومك ياحبيب ياعسى في الأمر خير=نبي نسولـف ونتهـرّج والـدروب ندلهـا
النفس يغلبها الهوى والطيـر بجناحـه يطيـر=اللي تناسب هاتهـا وأن صـار فيهـا خلهـا
هل تعلم أن الأرض كبر القرش في عين البعير=واللي عشق ليلـى قبـل تسعـن عـامٍ ملهـا
ياكثر مايطري عليّه من طواري فالضمير=وأنته يجوز أنك تميّز دقهـا مـن جلهـا
هل تعلم أن الوقت والدنيا رحاة تستديـر=ومهما تمر سنين ليلى ماتناسـى خلهـا
أهل الوفا ترسي كما البابور في البحر الغزير=وإن كان صارت معركه هات السيوف وسلها
ياللي تشيلون المريض ولا لقيتولـه سريـر=عندي دواء لهـل الكبـود الزايمـه ويعلهـا
أنته توصيني وأنا حاسب حسابي من عصير=والمعركه قدي يابن عاصـي وأنـا قدلهـا
لافرق بين العلم الأول يالعتيبـي والأخيـر=والأرض تنبت نبت مـدام المـزون تبلهـا
العلم عند الله أونا مخلوق مدري وش يصير=لكن ماباقي معك غيـر الصـلاه وصلهـا
مدري سلوك المشكله من قطن ولامن حرير=أمسى هذا ينقض لها وأصبح هذا يفتل لهـا
صاحبك مايرد على هداج بالحبل القصير=لابد مايمهـل لهـا لحظـه ولايهملهـا

الاخ بني سالم
لله درك
نقل رائع لمحاوره رائعه
مشكور يالغالي
والله يعطيك العافيه

تقبل تحياتي