هلا يامرحبا عداد من صلى وحج وصام = بخط الشاعر اللي من زمانه ثاير غباره
من حدود اليمن يشكي على شاعر بحد الشام = تقول الدار خالي من بلد مكه اليا أستاره
يافواز المشاكل من بحر جده الى الدمام = عجز في حلها قبلي وقبلك عمدة الحاره
رسمها الغرب يوم الناس عنها بالحجير أنيام = قبل مية سنه واليوم يقطف ناتج ابذاره
بدات من تونس الخضراء ومرت ديرة الاهرام = سحابه وبلها ماينفع البستان وازهاره
عساها ياعساها ماتمر الدار يالمقدام = عشان يموت راع الشر يافواز بشراره
بعد هد الجبل يمكن تحقق باقي الاحلام = لزمره شيخهم لشر قام يدق مزماره
ترى الحل للجهاد وطيت الاقزام بالاقدام = خلافه لاتدور حل والايام دواره
وانا عندي سؤال ان كان عندك يالزميل اللمام = عن اللي يقتل المسلم ويبكي عند قباره
بعد طاح القناع وبان جيب الثوب والاكمام= وقع في جرم واضح والعرب تدري عن اسراره
طلع في علم مايدخل عقول الناس ياظرغام = له تصفق خبولٍ من زمان العام منهاره
فطين الناس عنده حط له خطين واستفهام= وغشيم الناس خله في عمى قلبه مع ابصاره

المشاركة الأصلية كتبت بواسطة ابوهليل (المشاركة 1016702) صح لسانك يابو تركي وصح لسان فواز الزويهري قصايد جزله من شعار كبار بيض الله وجيهكم والله يعطيكم العافيه

المشاركة الأصلية كتبت بواسطة بدر الهويملي (المشاركة 1016706) صح السانك والله يالمحمد وصح السان الزويهري شعراء لكم ثقل بالقبيله نقاش رائع وصوت وصدى رائعان تقبل مروري

المشاركة الأصلية كتبت بواسطة محمد عبدالله البدراني (المشاركة 1016712) طلـع فـي علـم مايدخـل عقـول النـاس ياظـرغـام لـــه تـصـفـق خــبــولٍ مــــن زمــــان الــعــام مـنـهــاره الله الله والله من اول بيت حتى اخر بيت كل مافيها جزل وصدى مدوووووووي مليون مليون مليون مليون صح السانك وعلا شانك حقيقة هكذا الشعر وهكذا الشاعر الشاعر اقف اجلالا واحتراما لهكذا شاعر شاعر مهااااااااب والشعر بقبضة وعرين اسعد مهاب الجناب لدي الكثير الكثير عن هذا الشاعر الكبير اراهن على انه شاعرنا في المستقبل شاعرنا الاكبر تحيتي وتقديري

ابداع غير مستغرب
صح لسانك يابو تركي وصح لسان فواز الزويهري