يحَول متهى يجي فواز=حتى نخاويه للديره
الشوق بالقلب فك الغاز=والبعد ناوي بتفجيره
معتاز شوف الغضي معتاز=اللي دماري بتدبيره
اللي بحسنه خذا ممتاز=عند اغلب الناس تقديره
سبحان من كونه باعجاز=شي يوقَد بك الحيره
لاشفت زوله يجيك رزاز=كان ان قلبي مثل غيره
به زين وسطى وزين حجاز=متخالط يالله الخيره
منحاز له والغضي منحاز=عني ولا قدَر الجيره
ياليتني في فمه مزاز=او فالهدوم من ازاريره
كتبت كسره مع الاِيجاز=حتى الطفش عني اديره
في شقتي واحتري فواز=اللي يبي يطلع الديره