الـدرس ما يركـبـك فوق الـنجـيبه=حيث بـطـلاسـم غـش سـطرت لـسـته
يـاللي سـوالـيـفــك طـوال وغــريبه=ولا فـيه دربن ما عترضت وعـكسـته
بـا عـلـمـك عـلـم الـطـلـيب لـطـلـيبه=لا تـعـود مجـلاســن مـعـايه جـلـسـته
من شان ما اضيق عـلـيـك الرحـيبه=ومـن شـان ما يـنـقال بالحـيـل دسـته
لا تخلط الاوراق سـهـله صـعـيبه=ما شـفـت ثوب العـلم قـدمي للـبـسـته
حـنـا نعـرف الـمـخـطـيه والمـصـيبه=ونعـرف هـدف مرماسك اللي رمسته
مـا يـرفـعـك عـلـمـن تـعـبـد صـلـيبه=لـو الـصـخــر بـيـن الاصـابع مـرسـته
غــثـيـتـنـا في كـل شـي تهـذيبه=حـتى الـقـمـر لا قــلـت كـذا لـمـسـته
ابا أســئـلك ســؤال مـمـكـن تجــيبه=مـدام بـحـر الـعــلـم بـيـديـك قـسـته
عـندك خـبر بكره وش يـكـون غـيبه=وتضمن ثمر زرعن تعـبت وغـرسـته
اقـول يـا للـي كـل شـي تـحـكـيبه=بحـصـانـك اقـصـرلا ركـبت ولـقـسـته
الــيـا بـغـاك الـوقـت حـطــك بـجـيبه=وعـطاك درسـن ما سـبق لك درسـته

المشاركة الأصلية كتبت بواسطة متعب العمري (المشاركة 1014748) صح لسانك يالغرابي والله يعافيك قصيدة رائعة تشكر عليها تحياتي

[table1="width:95%;"]