ياللي تنشدني عن أسباب ضيقي=مالك ومالي وش يهمك لياضقت
خلك بحالك وبتعد عن طريقي=والله لتتعب ماعرفت و تحققت
ان كان تقنع بلكلام الحقيقي =هذا جوابي عن سؤال تطرقت
مانت على مكنون قلبي مويقي=مهما تحاول عنك الأبواب غلقت
مافي داعي تدعي أ نك رفيقي=فاهم مرامك من قبل ما تنطقت
ماني غشيم فيك خبري عتيقي=تراك حدر المجهره لو تدرقت
مابديلك أسراري وسدك خريقي=واندم على الفايت عقب ماتوهقت
ماحد خدعني بالكلام الرقيقي=قلبي دليلي دارس الناس والوقت
قد نشفت عبثات الأيام ريقي=وغربت مع دنيا الغرابيل واشرقت
وعرفت أنا منها العدو والصديقي=من كثر ماجربت فيها ورافقت
ما كل من يضحك صديقن وثيقي=ليا ذكرت الما جرالي وبرقت
كم واحدن يظهربالن طليقي=وقلبه خبيث وطبعه الغدر والمقت
ياللي تقول انك عليّ شفيقي =لا تحسبني كل موحيت صدقت
ماكل سباح يغوص العميقي =حاولت تكشف غايتي ما توفقت
ولنت على مكنون قلبي مويقي=مهما تحاول عنك الأبواب غلقت

مابديلك أسراري وسدك خريقـي=واندم على الفايت عقب ماتوهقت
ماحد خدعني بالكـلام الرقيقـي=قلبي دليلي دارس الناس والوقت