فايز المحيسن=
قبل السلام إبدى بذكر البسملـه = بسم الله اللي نطلبه جنـة عـدن
سر ياقلم وإكتب من الشعر آجمله = حرف الجزاله ماختلف طول الزمن
الشاعر اللي كان حرفـه جّملـه = نطرب من حروفه ونرفع للحـن
ياهاجسي هات البيـوت مجملـه = اللي فصدر الناس كنـزً يختـزن
الشعر ديـوان العـرب ماتهملـه = فالباديه محفـوظ يكُتـب فالمُـدن
واللي على ماقيل حرفـه دهملـه = ماله رساله هادفه غيـر الشجـن
انتاج فكـره دايمـاً فـي معملـه = محدً سأل عنه ولاحـدً لـه فطـن
كلً على مُده ليـا سـاق جملـه = إما يوديه القـرى~ ولآ الطمـن
واليوم انا سقت الجمـل ومحملـه = حملً ثقيل وماسك فيـدّي رسـن
اللي على بنتً طمـوح اصملـه = صمل ولاكن ماجلّب رهن الثمن
يبغاء العـروس مجملـه ومكملـه = من دون لا يتعب على بيت السكن
بذلت له كل ماستطيـع ونعملـه = ميّر البلاء رُحّل عن ديار الوطـن

طلال المعبدي=
يامرحبا بالإسـم واللـي الإسـم إلـه=ضاري على الطالات في شام ويمـن
شاعر إلا منه رسم ,, والرسـم إلـه=ما باقـي الا روح تنفـخ فـي بـدن
مـا كنهـا ألا كـاعـبٍ متكسمـلـه=مـن زينهـا لاشافهـا يفتـن وجـن
اليا وسمها بالسوم ,, والوسـم إلـه=تِنشِـط ولاضـد النشـاط الا الوهـن
وأعـود للمعنـى وحـنـا منهـلـه =مصدارهـا عنـا فروضـه والسنـن
العرف أعرفه والجهـل مـا نجهلـه=العِـرف راكـد والجهـل مايرجهـن
أحـدٍ ليـا منـه شـرا قلنـا إدبلـه=وأحـدٍ إلا منـه حكـم إنقـول صـن
أحدٍ يرها مَدرَسَه مع قنبله=وأحدٍ مضيعهـا سـوى سايـر وقـن
العلـم مايأتيـك الا مــن هـلـه=والناس كلٍ حَسّبْ عِرفـه وإلـه فـن
اللـي يميـز ميزهـا الميـز إلــه=ولاقليـل الميـز يخطـي لــو وزن
والحـي يمـوت ولايفيـد المسـألـه=الله يعـلـم جنـتـه بـعـد الكـفـن
المرجلـه حنـا رجـال المرجـلـه=والشيمه شام ولاتجيـك مـن اليمـن