تمر السنين وتنطوي صفحة التقويم = وغيب الليالي مزن ماشيف براقه
يطول الامل والنفس في حيز التوهيم = وعزم الخفوق ارتاب من داخل اعماقه
كساه السواد اللي سبا ليلة التعتيم = وخلى بنات الفكر للحرف مشتاقه
وثارت هوجيسٍ على البوح مثل الهيم = طوتها ظروف الوقت من قوة الفاقه
حداها العطش والماء يحوفه غزال الريم = سكن فوق نبعه ينتشي كل ما ذاقه
سقى الله زمانٍ غايته دورة التنظيم = جبر خاطر المسكين لو ضاق معاقه
رماه الزمان اللي سجن صاحب التعليم = حشم لاعب الكوره حشم راعي الناقه
جديد الليالي فعلها لخبط الترقيم = ويبقى اللبيب بحالته مانثنت ساقه
تميز بفكره ماهوى شغلت الترهيم = يروم المعالي كل مالملم اوراقه
وانا ماعليه حافظ السين قبل الجيم = ولي مطلبن مدري متى الحظ يستاقه
ولا زلت في رجواه لو حاول التحطيم = على الياس قلبي ينتج العزم والطاقه
مشيت الدروب ولاشكيت الغبن والظيم = ونفسي على بعض المناهيج تواقه