ياضيفي اللي مشى زعلان=عساك ماترضى موليّه
البيت له حرمه وبيبان=منزالي ماهو ب مهيّه
من خلقة الدنيا والعربان=باب الردى منقفل غيّه
ياشينها جيّته طربان=يبغى يتغزّل هنا فيّه
مره يتحدّى يجي زعلان=مره يتبسّم بحنيّه
عاقل وجاهل لغة اعيان=يغمز لي عينه بعينيّه
الرمش سلهم كما النعسان=جاوبت بنظرة شقاويه
مستعصيّه ولااحبّ فلان=والزّين مالكته ايديّه
قال الا والله ياحظي زان=ودي نتمهّل على شويّه
قلت الخلا فز لي حمقان=بشويش ماقصدي السيّه
قلت ابتعد واطلب الغفران=لاترتجي مني حنيّه
كذاب لو جيتني حلفان=قم انقلع جتك عفويّه
صد وتلفت وهو حيران=الجوهره وكيف حوريّه؟
انتي قريبه من اهل الجان=متراضعه مع ماويّه
قام وهرب يفزع الجيران=البيت ساكتنه جنيّه
ضحكت من قلبي الوجعان=جاني الصدى يرتدد ليّه
قالت به حصه المشعان=العفن وش عرضه ليّه
عساه من حجته خسران=عساها تكتب يهوديّه
يحسبني الهث ورى كل شان=اخطيت ياجاهل النيّه
القلب قلبي ولابه ران=والعين عيني يامخطيّه
مايملى عيني سوى كحيلان=الكل يفرح بطاريّه
المشكله ماانولد للأن=لن القمر سارق ضيّه