ياراكب اللي تنطح الريح وتفز = تقلع كما حرً نوى للهدادي
اليا استوت في دربها قزته قز = تاطا على سهلً وضلعً ووادي
ان مرة اجبالً شواهيق تهتز = ماتختلف في جوها شي عادي
صناعها كفار ماتكبس الرز = باللي شحمها ملحفً لثنادي
طيرً يجينا مهاجرً بالشحم نز = عدل الطبيعه ماتغذى سمادي
منصاك للي وارث الطيب والعز = ابو محمد الكريم الجوادي
سلم وقله فالصدر شي محتز = ادما على قلبي وجّرح فوادي
من بعد بعت الجيب واخذت لكزز = اصبح مقانيصي عمود الجرادي
في مخططً جاهز وللبيع جهز = انقل مناظيمي وعوّد الكتادي
يابو رحم وان كان في حالنا تعز = ترسل لنا مرسول عجّلً ينادي
ان كان للمقناص ناوي له تكز = حملة فليح جاهزه لشدادي
الفرّق خلص موسمه باقي الوز = ويمناي ماناشة لراس الزنادي