باسم ألعليم أولف القاف وأجيب = معاني جت من هجوسي كثيره
الشعر له وقفات عند المواجيب = وما كل ميقاف يجي له يثيره
يا مرحبا مليون مليون ترحيب = يا مرحبا بك يا ابن صقر الجزيرة
اللي حكمها يوم وقت اللواهيب =جمّع شتات القوم من كل ديره
شرق وجنوب وشام يرسل مناديب = وعلى الحجاز أضفى العباة الستيرة
أنشهد انه ماكر العز والطيب = اللي يحل المعضلات الخطيرة
يشهد على ماقلت حتى الاجانيب = رجل عزوم ولا يهاب العسيرة
سألت ربي عالم الجهر والغيب = في جنة الفردوس يجعل مصيره
والله فرحنا دون شك ولا ريب = باللي عدل وأنصف وقاد المسيرة
فرحة وطن به زغردن الرعابيب =بوصول قائدنا نقي ألسريره
الملك عبدا لله حسين الأساليب = يا مزبن الخايف ذرا مستجيرة
حلحيل حلال القضايا الصواعيب = خادم بيوت الله ومكرم قصيرة
وسلطان ميقاعه بروس المراقيب = له وقفة(ن) وان دق للحرب زيره
أن قامت الهيجاء ولاشيء مجانيب = سلطان زيزوم الحمول الكبيرة
والنايب الثاني عطيب المضاريب= عمى عيون أهل النفوس الحقيرة
أقولها والنعم كل المعازيب = سعد المواطن له حزام وذخيره
وختامها عداد نبت الاشاعيب = صلوا على اللي عم فضله وخيره

الشاعر / عبدالمطلوب مبالرك البدراني