أثر الهوى واجب تجي في مراميه = حتى ولو حاولت عنه تدرًا
يسحرك موجه لين توصل لشاطيه = غوص البحر ياللي تبي منه درا
واللي سمع لاهل الهوى عاف مافيه = يصبح يدور له على الارض جرا
شعر الغزل ماكان ودي اغنيه = خوفي يزيد القلب لوعه وحرا
وان بحت مابالقلب وأعلنت خافيه = بان القتيل اللي ذبحني وتبرا
اللي رماني بالهوى كيف ابرميه = هذا الغزال اللي بصيده مضرا
يقبل ويجفل ماعرفنا خطاويه = من الحيا مالت دروبه وفرا
لامن تمايل مال قلبي يوازيه = لولا ظلوعي ظنتي مستقرا
اسعد بشوفه واهتني حين اباريه = عند البقاله كل ماقبل ومرا
نظرة خجل تطفي لهيبي وتكويه = ياجامع الاثنين خيرن وشرا
ناعم بطبعه والحلا زايدن فيه = جسمه نحيل وشايل الصدر برا
اثر القمر لاجا سحابن يغطيه = يشبه حبيبي لاتغطى بغرا
واجمل وصوفه بالوفى دوم نطريه = لامن نشد عني وحالي تسرا
لاغبت عنها تسأل اللي تلاقيه = حبل الهوى كل ما تراخى يجرا
من بد خلق الله بغاني وباغيه = لولا حدود الدين كلن تجرا
لو كان نقدر بالشوارع نحاكيه = مثل العجم ماذقت حامض ومرا
لامن تباطى قمت بالصوت اناديه = جاني بشعره قال كنت اتحرا
حطيت يدي فوق يده تسليه = وفك القميص اللي بزره يزرا
لاكن عدانا العيب والشرع نغليه = سلم العجم طرا علي ماتطرا
هذا حبيبي ياعسى ربي يحميه = دربه على درب الشريعه مضرا
حبن على وضح النقى في مباديه = وسط العيون العاشقه له مقرا
ماهي محبة خبل يقضي مقاضيه = ماذاق من كاس الهوى وزن ذرا
كل مالقى له واحدن باح مافيه = يسمع لطاري الحب قام وتورا
هذي علومي وصامل العلم تاليه = حبي تعدى عن حدود المجرا

المشاركة الأصلية كتبت بواسطة راعي الطويسه (المشاركة 979061) بسم الله الرحمن الرحيم اعضاء ومراقبين وزوار ملتقى حرب الرسمي .. السلام عليكم ورحمة الله وبركاته يسعدني انني صرت احد ابناء هذا المنتدى منتدى قبيلتي حرب واتمنى ان استفيد منكم ومن انتقاداتكم فيوجد بهذا المنتدى شعار كبار اتمنى مايبخلو بانتقاداتهم فهم عمالقه بالشعر .. ابسمعكم اخر قصيده كتبتها على بحر المسحوب وهي غزليه اقول فيها : أثر الهوى واجب تجي في مراميه = حتى ولو حاولت عنه تدرًا يسحرك موجه لين توصل لشاطيه = غوص البحر ياللي تبي منه درا واللي سمع لاهل الهوى عاف مافيه = يصبح يدور له على الارض جرا شعر الغزل ماكان ودي اغنيه = خوفي يزيد القلب لوعه وحرا وان بحت مابالقلب وأعلنت خافيه = بان القتيل اللي ذبحني وتبرا اللي رماني بالهوى كيف ابرميه = هذا الغزال اللي بصيده مضرا يقبل ويجفل ماعرفنا خطاويه = من الحيا مالت دروبه وفرا لامن تمايل مال قلبي يوازيه = لولا ظلوعي ظنتي مستقرا اسعد بشوفه واهتني حين اباريه = عند البقاله كل ماقبل ومرا نظرة خجل تطفي لهيبي وتكويه = ياجامع الاثنين خيرن وشرا ناعم بطبعه والحلا زايدن فيه = جسمه نحيل وشايل الصدر برا اثر القمر لاجا سحابن يغطيه = يشبه حبيبي لاتغطى بغرا واجمل وصوفه بالوفى دوم نطريه = لامن نشد عني وحالي تسرا لاغبت عنها تسأل اللي تلاقيه = حبل الهوى كل ما تراخى يجرا من بد خلق الله بغاني وباغيه = لولا حدود الدين كلن تجرا لو كان نقدر بالشوارع نحاكيه = مثل العجم ماذقت حامض ومرا لامن تباطى قمت بالصوت اناديه = جاني بشعره قال كنت اتحرا حطيت يدي فوق يده تسليه = وفك القميص اللي بزره يزرا لاكن عدانا العيب والشرع نغليه = سلم العجم طرا علي ماتطرا هذا حبيبي ياعسى ربي يحميه = دربه على درب الشريعه مضرا حبن على وضح النقى في مباديه = وسط العيون العاشقه له مقرا ماهي محبة خبل يقضي مقاضيه = ماذاق من كاس الهوى وزن ذرا كل مالقى له واحدن باح مافيه = يسمع لطاري الحب قام وتورا هذي علومي وصامل العلم تاليه = حبي تعدى عن حدود المجرا وسلامتكم ..اتمنى تحوز على ارضائكم

اخوٍ عزيز ومثلك الله يحييه=وحنا لمثلك ننتظر ونتحرا
بالمنتدى اللي كلنا نفتخر فيه=شعّار مع كتّاب واعضا وقرا
البيت بيتك وانت بالعز راعيه=ابدع وشارك وإكتب اللي تورا

دام البقى والطيب بانت مواريه = بالشاعر اللي ديرته وسط حرا
هذا مرورك يافتى نفتخر فيه = ثوب القصيده اكتمل لو تعرا
والمنتدى واجب علينا نداريه = اسم القبيله فوق راسه تذرا

ياراعي الطويسه

سعداء بانضمامك


وصح لسانك مدد بلا عدد


وفقك الله


تحيتي وتقديري