فرقاك يالغالي عليّه إشكلّه=عليّه أثقل من جبال المسماه
مالوم قلبي لاشكا بُعد خله= ولا الوم دمعي لانثر صافيٍ ماه
ليت الشمال وريحها لا وصلٍ له= تاضع لخط الود في كف يمناه
للي بقلبي له مكانٍ يدله = محرمٍ غيره فلا يوم ياطاه
اللي موازين الغلأ يرجح/ن/ له=ماله عديلٍ با الغلا غير طرياه
مستيسرٍ قلبي وفكري يشله=يا عل كل الناس والكون يفداه
وانا عساني يا هلي فدوةٍ له=لجله من القلب المعنى عنيناه
عليه قلبي بالوله مثل دله=تفوح من جمر الغضى يوم تصلاه
أصب له فنجال ودي وازله=وغير الوفاء والود ما شيء نبغاه
اكتب بقيفان المثايل رضىٍ له=ولو ينكسر حرفي جبرته على رضاه
هو الغلأ والود والشوق كله= وهو اللذي روحي تتوق وتمناه
سيف المراجل للمراجل يسله =مابين ربعه والمشا كيل تناصاه
يانجم دامك بالسما شايف/ن/له=قله وليفك صادق الود عناه
لو طالت الغيبه تراه بمحله=ماغير الموقف ولآحاد مبداه

المشاركة الأصلية كتبت بواسطة باسم البشري (المشاركة 973164) يانـجـم دامــك بالـسـمـا شـايـف/ن/لـه قــلــه ولـيـفــك صــــادق الــــود عــنــاه لــــو طــالــت الـغـيـبـه تـــــراه بـمـحـلــه مـاغـيــر الـمــوقــف ولآحـــــاد مــبـــداه صح لسانك قصيدة جزله وابداع غير مستغرب

المشاركة الأصلية كتبت بواسطة مساعد الجليدي (المشاركة 973166) أصـــب لــــه فـنـجــال ودي وازلــــه وغير الوفاء والـود مـا شـيء نبغـاه اكـتـب بقيـفـان المثـايـل رضـــىٍ لـــه ولو ينكسر حرفي جبرته على رضاه الكحيله لاهنتي على هالابداع الرااائع دام حضورك الجميل ودمتي بخير وسعاده

المشاركة الأصلية كتبت بواسطة بن مريع (المشاركة 973229) صح لسانك والله لا يهينك قصيدة رائعة من شاعرة رائعة ومميزة ودي وتقديري لك