هذي القصيده وجهتها للشاعر القدير لويفي بن عويض الشاماني

والشاعر لويفي غني عن التعريف

فهو شاعر نضم ومحاوره من اقوي الشعار بالمدينه المنوره والمناطق المجاوره لها

فقد عاصررموز الشعرمن شعر حرب والقبائل الاخرى ولعب معهم

ولكنه ترك مجال المحاوره بعد وفاة الشاعر رجاالله الحبلاني

بالبال يبرق بارق القاف وغيو م =عذب الفرايد حن وارزم رعدها
نشت بفكرن من عنا الوقت مزحوم =والحمد لله حضرت في وعدها
وهلت على بيض الورق تقل ديموم =ونفسي لقت مخراجها عن نكدها
والفكر معها يبعد الطلع والحوم =فكرن تبشر طلعته في سعدها
عن واقعه فيها تباشير وحلوم = يبعد بها عن واقعه لاوجدها
يعيش فيها باقي اليل واليوم =ولاعاش معها ما ذكر وش بعدها
يقوله الي يفرق السعر والسوم = ويبحث بسوق المفرده عن جددها
واليا شراء مشراه مايشتري كوم =هذي يوخرها وذي يعتمدها
من شان لامرت على كل شغموم =قصيدته من سمعها مانقدها
لوكان مابالخلق كامل ومعصوم =الا الذي من سنته نعتقدها
والشعر ياهل العرف وهبه ومقسوم=والسابقه مضهارها من جهدها
ويشهد علي الي هزم سربت الروم=اني عليها باذلن طول يدها
والرجل بعد الجهد مايلحقه لوم=ومن جد جد ومن زرعها حصدها
واسندتها لالي عن النقد محشوم = يابو مزاحم يم راسك سندها
يالشاعر الي مع هل الشعر زيزوم =قدام بنت العود تفقد ولدها
في ماقفك لاصار داحم ومدحوم =تفتل معانيها وتنقض عقدها
سيفن بوقت الازمه مهو مثلوم = ومواقفه متبينه ماجحدها
الا ضعيفن شايل الكبر والزوم =وان شاف فعل اهل المراجل حسدها
جثه ولاكن فرقها تلبس هدوم = وعن مقبرتها بيتها هو لحدها
وفي وصف بعض الناس ماني بملزوم =الله يبددها ويحصي عددها
البوم بوم وبوم من رافق البوم =وطيور شلوي بينه في هددها
والوقت هذا وقت مافيه معلوم =ووقت الهنوف الي تثني جسدها
ووقت لفلوس وقت من يزرع الثوم =وعين المفتح ساعدو في سددها
ولاقول يافرز الوغا الطيب معدوم =لاكن يعيش بواقع امر وادها
من حالة الي طاح في ديرت القوم = ويمناه من عقب المكاسب عضدها
مضروب في رمحن مثومن ومسموم =اخطا الضلوع وبالعضيدا لهدها
يقولها من حاربت عينه النوم =في حرت اقريضه سهرها هجدها
ووجتها للي عن النقد محشوم = يابو مزاحم يم راسك سندها
والشعر وهبه يابو مزاحم ومقسوم =وشهادتي بالشعر منك اعتمدها

بيض الله وجهك يافواز
قصيدة وافيه وكايفه

صح لسانك عدد حروفها
قصيدة لم استطع ان اقتبس بيت واترك بيت
لجزالتها وجزالة شاعرها
مرة اخرى صح لسانك اخوي فواز العمري
وتقبل مودة اخوك ابو فراس