|
نرثى لقلبن بالهوى ولعوبه
وصلني بالامس رسالتان بالايميل من احد الاصدقاء الاعزاء وقد تكونا من منقوله ورددنا عليهما وان كان زودنا الكيلة واحببت ان اشارككم واطلعكم على ماتم لعل وعسى ان تنال الاستحسان..... الرسالة الاولى
لاتشتحن ياواحدن بت مهموم=ترا الفرج عند أكتراب الحزامي إن كان عينك شاكية قلت النوم=فأنت تنام وخالقك ماينامي الرد على الرسالة السابقة
البارحة كني عن النوم محروم=ياصاحبي والله مدري علامي أسهر أساهرأسود الليل ونجوم=متى على الله ينجيليلي ظلامي ما قدر المولى على العبد مقسوم=رضيت بالمقسوم والقلب دامي دنيا بها شاخت على العالم رخوم=وجارت على اللي من فروخ القطامي إن قلت لك مهموم بالحيل مهموم=تحشرجت بالصدر وعز الكلامي ما قدر المولى على العبد محتوم=نصبر على المقسوم صبر الحشامي واللي ذكرته يافتى الجود معلوم=أقبل تحياتي وخالص سلامي الرسالة الثانية
هب البراد وقلت يا الله عسى خير=جعل الطواري ما تصادف هبوبه الوقت زان وحان وقت المشاوير=والصيف راح وفارقتنا الرطوبه الرد على الرسالة السابقة
أحدن تسلى بالوناسه مع الغير=شرق وشمال وكل طعسن رقوبه وأحدن يقاوم من همومه طوابير=تجيه زافاتن على كل نوبه حكم القدر ماضى على الناس ويصير=الوقت يمضي والليال محسوبه يالله توجهنا على حسن تدبير=وترثى لقلبن بالهوى ولعوبه |
صحت السنتكم والله يـعـطـيـكم الـعـافيـــــــــــة بيض الله وجيهكم |
صح السانك مليوووون وبيض الله وجهك ودام ابداعك
|
صح لسانك وبيض الله ووجهك ردود جميلة ..
كل التوفيق |
اقتباس:
صح بدنك اخوي رابح وبيض الله وجهك على مرورك المتواصل عندما ينقطع الاخرين مقدر وشاكر لطفك وطيب شعورك ومقدر حسن تواصلك دمت بحفظ من العلي القدير |
صح لسانك .. وبيض الله وجهك |
شاعرنا القدير صح لسانك ودام ابداعك |
الشاعر القدير
نادر النادر صح لسانك على القصائد الرائعه وماقصرت تحياتي وتقديري |
اقتباس:
وليف الشوق صح بدنك ملايين ووجهك ابيض وكل الروعة والابداع بمرورك المميز وكريم مشاعرك دمت بخير |
الساعة الآن 11:19 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir