فواز الزويهري=
مبدا لنا بسنة الإسلام=بدع التحية وجوب ترد
سلام منا لكم ياكرام=ماله مقاييس ولا له عد
بيان الصمت=
هدي الشريعة على الأيام=ثابت لنا علمه المسند
ترحيب يرقا مع الإلهام=يا بادع القيل فالموعد
فواز الزويهري=
عسى البقا والقلوب اخصام=ويهول قلب الرَّضِي المشهد
قلبي شقي من ثلاث اعوام=كل ما بنى له بِنا ينهد
بيان الصمت=
لا باس يا شاكي الأسقام=عندك سبايب عليها ترد
من يتبع القن ما ينضام=ومن يطلب الجيدة يجهد
فواز الزويهري=
قن اليمن غير قن الشام=كل ما بدينا فريع انسد
وان سَلْتهم ليه يالحكام=قالوا لي مالك سبق أحمد
بيان الصمت=
أحمد جمع علم للفُهَّام=واختار ما بينها الأجود
واعرافنا يالعرب أحكام=بالجمع ما بينها تسعد

المشاركة الأصلية كتبت بواسطة الكحيلة (المشاركة 968303) صح الله السنتكم على الابداع