مأكنت أضن الغدرطبعك ومبداك=كنت أحسبك انسان خير وعادي
أشوف لمعه بارقه من ثناياك=وأثر سوادك تحت عوج(ن)مسادي
مالك علامه فارقه في محياك=المشكله جوهرك علم(ن)وكادي
خلقتك ماشاء الله ويازين مبناك=وداخلك اكثر من سواد السوادي
لاكن في يومك بتلقي سواياك=دينك علي غاربك ماهو بغادي
يمناك بشرها بمكسوب يمناك=كامل ولاينقص بحسب اعتقادي
فعل الوفا ماهو لمثلك و شرواك=للــــي يشوفه غايته والمـــــرادي
يقلعك ياحي علي الغدرممشاك=مثل انقلاع الروح يــــوم المعادي
تنعاف بفعالك و ذكرك وطرياك=ويشوم عن نهجك سليم الفــــوادي
حتى الكلاب تعاف نهجك ومنحاك=وهذا تراه اسلوب منها انتقادي
لوهي كلاب(ن) سود ماهي بوياك=فيها وفا ماهو في بعض العبادي
هذا نصيبك انت ياهيه ياذاك=بالشعر سطرته بحسب اجتهادي

المشاركة الأصلية كتبت بواسطة تركي ابوعناد (المشاركة 966131) الله الله ياخالد صح لسانك يالغالي وتصبح على خير

المشاركة الأصلية كتبت بواسطة سعودية (المشاركة 966137) الله يابن مبيريك صح لسانك ابدعت بهذي القصيده الرائعه دمت ودااام تالقك وتميزك احتراااامي

المشاركة الأصلية كتبت بواسطة رابح الجحدلي (المشاركة 966144) صح لسانك مليون على القصيده والله يـعـطـيـك الـعـافيـــــــــــة بيض الله وجهك