وشب المزاريع وسط السوق = وفخليص الاسواق عمرانه
البيعه اللي بدون حقوق = بيعه ثقيله وخسرانه
البيرق =
نشري فسوق الغلا مانبوق = فخليص وان كان جيرانه
ولو فيه بيعه بلا محقوق = ماتحصل الناس كسبانه
ابومديده =
لا عاد سابق ولا مسبوق = لكن دور لنا خانه
ياحاشر المال فالصندوق = اخوك ترضيه رمانه
البيرق =
مايعترضلك اخوكم عوق = حيت انك الطيب عنوانه
ولا خبز ناشف ولا مرقوق = والسوق مصكوك بيبانه

البيرق =
على الكمنجا يابوكريم = في جو في منتهى الرقه
والديم من فرعنا مغيم = هذا الخبر واستلم طرقه
عبدالكريم القريقري=
خابرك مفتون ومتيم = واليوم عندك دوا الحرقه
ومادامت الطيب متليم = لا تاخذ التوت بالسرقه
البيرق =
صوت الهوى لحنه التيم = جمال باغي على طرقه
وليتك تجدد لك مخيم = بمكن تعيش الزمن فرقه
عبدالكريم القريقري=
حدري وفرعي علا يتيم = والمزن عيني على برقه
خلك على قلبي رحيم = قلبي خضر فالثرا عرقه
البيرق =
ماقولك انسان متنيم = يامميز الغرب من شرقه
ودور على المرقب القيم = من حيث ماكان له شرقه
وحذراك لاتراود رميم = بعدين ماتنفع الدرقه
ومن لا يقيم . مايتقيم = عساك تسلم من الشرقه