شاشة الفكر شوشها رمـوز افتهـام = في صور الّتقطها من فضـاء كونهـا
حارت افكار شاعـر ماعليهـا مـلام = في معالم غريبـة لـون مضمونهـا
شرق يمة غروبه والجنوبـي وشـام = اربع فصول باربع عاتـي شطونهـا
في بساط الوسيعه والنفوس بزحـام = لو سعت بالمناكـب مـدت عيونهـا
وحلق الفكر سامي فوق ذاك الغمـام = في فضاء هاجس الاشعار مجنونهـا
يحبك القاف شاعرها رفيـع المقـام = هاجس ٍ يصخره والرب فـي عونهـا
بالحياة وبشرهـا عالمـه والعـوام = للولـي الشـؤون بخلقـه وشونهـا
المساء بالمدينـه ومايطـول المقـام = يعشقـون الحظـاره فـن وفنونهـا
وصبحها في صحاري تحت ظل الخيام = واسمتهم سمـوم القيـظ بسمومهـا
عصر عالم وصوفه في صفات الليأم = البواطن مريضـه صفـر ِ سنونهـا
معك نوب ٍ عليك ونوب فيه انفصـام = فـي تناقـض بـلا ملـه يدينونهـا
مكذّبين الصـدوق يصدّقـون الهيـام =وكلمـة الحـق حاشـا مايقولونهـا
عن كلام الحقيقه بالمسامـع صمـام = ومايخـدم النوايـا منـه يوحونهـا
لو تعارض وتنقد جاك الـف اتهـام = مانقول غير حسبي كيـف يقوونهـا
المبـادي رديـه لاقـدر لااحتـشـام = والنوايـا نوايـا السـوء بظنونهـا
في مضيق الزوايـا تايهيـن بظـلام = ومن لحـوم الاوادم كبـرة بطونهـا
مضيعين المذاهب فوضـوي النظـام = بالمزاج ومصالـح لاجـل يجنونهـا
في يمينك تصافح قدر لـه واحتـرام = وفي يساره يصافح قاصـر ٍ دونهـا
للعصور النقيـه الماضيـات السـلام = ومن على نهجها وسلـوم قانونهـا !