دايم بذكرالله رطب لساني=فيه ابتدي قولي وفيه اتمه
لاشك بأن العبد عمره فاني=وان مات ما تعرف فصيلة دمه
نادو ولد عبدالله البدراني= محمد اللي كل همي همه
مكانته عندي مكان اخواني= انا أشهد ان الطيب كله لمه
شفقن على شوفي وانا شفقاني= في خاطري قدرومقامه قمه
عداً عذي يروي الضمياني= عذباً زلال مرتهي فالجمه
بشكي عليه صويحباً شقاني= والزين كله في عيوني خمه
ماله حلي في عيوني ثاني= لاشافني رحب ولو مع عمه
وانا ليا شفته نسيت احزاني=من الفرح في داخلي با ضمه
فيه الجمال اليوسفي رباني =ورث الحلا والزين من يم امه
بسباب ريحة عطره الروحاني=يغمى علي وافوق يوم اشمه
وشلال شعره كاسي الامتاني=ليا انتثر ياصل نهاية كمه
وجهه وخشمه والعيون تعاني=من الثام اللي تحته مطمه
له مبسمن مثل الجمر فتاني=والنهد دوبه بادياً بالزمه
والخصر كنه خاتم سليماني= واللي بقى ياصاحبي ما ذمه
تكفى يابن عبدالله البدراني=ياكيف ابصله والعرب ملتمه
شورك ورايك لاوصل كفاني=شوراً يكفي عن جميع الامه
ودايم بذكرالله رطب لساني=فيه ابتدي قولي وفيه اتمه

المشاركة الأصلية كتبت بواسطة تركي العماني (المشاركة 951013) الشاعر الغالي ..غالي بن ربيعان صح لسانك واعتلاشانك قصيده جزله من رجلً جزل الى رجلً جزل القصيده جميله واجمل من الجميله ولا كن مما زاد بجمالها هذأ البيت >>>>>دايم بذكـرالله رطـب لسانـي فيه ابتدي قولي وفيـه اتمـه تحياتي وتقديري ...يابن ربيعان

المشاركة الأصلية كتبت بواسطة عبدالله عتيق الحنيني (المشاركة 951014) مليون صح السانك قصيده وافيه من رجال وافي ومسندها لرجال كفو ووافي وننتظر رده لكي يكتمل الابداع واكرر صح السانك

المشاركة الأصلية كتبت بواسطة السهم الحربي (المشاركة 951016) صح السانك واعتلا شانك ياشاعرنا الرائع غالي بن ربيعان قصيده جميله ووننتظر صداها من ابو عبدالله البدراني وهو شاعر كفو وانت شاعر كفو وفقكم الله ودمتم بخير