ياذوق نسق لي من الورد باقة =طيِّب بها ضريح ذيب الرجاجيل
اللي قبل عامين نبغى فراقه=واليوم نبكي حيل من فرقته حيل
لاجله ليا من جات للناس فاقة=سد اللزوم ولا شكى طولة الليل
ياوجد روحي وجد من له رفاقة=من دونهم شال السيوف المصاقيل
وبعد انكسر بين الرجاجيل ساقة=شدوا عنه ودموع عينه هماليل
ماعاد باقي في المعاني عشاقة=وراع المثل ماعاد عنده تماثيل
القيدة تقطر وفي الذود ناقة=تقود الجمال ولا تعز المعاميل
هذا وأنا للشعر ماشي شفاقة=الشعر مبعد عنه جملة وتفصيل
لو ما بلانا الله بواحد علاقة=فكَّوا وكاه وقام يزبد كما السيل
أول نحسبه ذرب راعي حذاقة=يصك باب إليا نصوه الحلاحيل
لكن طلع هرَّاج مايصك طاقة=ولا يفك له عاني من أدنى المخابيل
قلته وأنا من صدق ماهي حماقه=ولاهي قصيدة من رجالٍ مخاييل
يا الله عسى الهامل يجوَّد وثاقة=ويحط للناقة شموع وقناديل

مدرسة الشعر شاعرنا الكبير

محمد سعد اليوبي

صح السانك على الجزاله

المشاركة الأصلية كتبت بواسطة الكحيلة (المشاركة 949937) يـاوجـد روحــي وجــد مــن لــه رفـاقـة من دونهم شـال السيـوف المصاقيـل وبعـد انكـسـر بـيـن الرجاجـيـل سـاقـة شــدوا عـنـه ودمـــوع عـيـنـه همـالـيـل مدرسة الشعر شاعرنا الكبير محمد سعد اليوبي صح السانك على الجزاله

المشاركة الأصلية كتبت بواسطة رابح الجحدلي (المشاركة 949999) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة كعام العايل (المشاركة 950037) محمد بن سعد اليوبي .. صح لسانك واعتلى شانك قصيدة جزلة وبها من المعاني الجميلة والأخلاق النادرة الكثير لاهنت على هذا الفصل الشعري الرائع وكانت باقة ورد جميلة .. قدمتها لنا كـ هدية يشكرك منتدانا عليها