لاثارت البندق عليـه مـن أيـدي =
=ويش السواه ويش نوع العلاجـي
أبغى بها من عاقل الربـع مفتـي=
=حيث أنها بالراس فوق الحجاجـي
منها أستوى جسمي وإنا داخل الفي =
=ومنها تعكـر يالنشامـا مزاجـي
فكرت فيها مـن جميـع النواحـي=
=ولقيتها مثـل الشـراب الهماجـي
يبلابها عاقل نتيجـة خطـا سـي =
=أمـا خبـل وإلا نوايـاه صاجـي
لولا الحيا وأخاف شرهـة بنيخـي=
=ومبغى سوالفنا لجاجـة حراجـي
لاقول علـمٍ فيـه يالربـع يبطـي =
=مافسـره راع البقـر والنعـاجـي
اليا كوينا طبعنـا ننجـض الكـي=
=لكن مبغـى بالعـروش ارتجاجـي
ماقـل دل ويذكـر الشـي بالشـي=
=والحر ماينظـر لفـرخ الدجاجـي

عن ماخرصتـه فـي يابعـد وقعـي=
=ياعاكسين أسلاك بعـض البواجـي
طبعي ماأحب الدرب لاصـار ملـوي =
=ومضرب بسيفي ياابيض الوجه تاجي
مابيـع دم القلـب يالقـرم بألمـي =
=ومالبس أثياب الشريـف العواجـي
ماحط راسـي بالشـرك يالبناخـي=
=والعـود الأزرق مامزجتـه بداجـي
تدري وأنا ادري وأشكل الناس تدري =
=أنـي ماولـع بالقوايـل سـراجـي
لاشفت من يطبخ وينفـخ ويشـوي=
=بعلـوم فيهـا للعـوارف إحراجـي
جنبت ياعـزي وتاجـي وعضـدي =
=ماحب أفتـش بالصـرر والملاجـي
عسى صدا صوتي يصل كـل معنـي =
=وخلافها بالسـوق عـارف خراجـي

المشاركة الأصلية كتبت بواسطة (المشاركة 948725)

المشاركة الأصلية كتبت بواسطة محمد عبدالله البدراني (المشاركة 948756) لعلي حظيت بشرف المصافحه الاولى لهذا الشامخه مليون صح السان شاعرنا القدير خالد الحصني ومليون صح السانك يابو تركي حقيقه مجاراه اكثر من رائعه وصوت مدوي وصدى مدوي لله دركما وتستاهلون بياض الوجه على هالقصايد الهادفه والمعبره لاعدمناكم تحيتي وتقديري

المشاركة الأصلية كتبت بواسطة فواز الزويهري (المشاركة 948766) مليون صح السان شاعرنا القدير خالد الحصني ومليون صح السانك يابو تركي حقيقه مجاراه اكثر من رائعه

المشاركة الأصلية كتبت بواسطة خالد دغيمان القبع (المشاركة 948772) صح لسان الشاعر خالد الحصني ورد شافي كافي يابو تركي امتعتونا بهذا الطرح والحقيقة خالد الحصني له مكانة اخوية وشعرية وشعار الملتقى جميعهم اخوان وكفو