يهل العقل والمثل والشـور=يلـي لكـم فالمعانـي شــوف
وش الذي يجبر المكسـور=اللي كسوره بوسط الجوف

مايجبر الخافـق المقهـور=اللي على غايتـه ملهـوف
إلا المنا لا حصل بسرور=واللي معانـد عليـه يـروف

كسر الخواطـر عظيـم الجـور=وفالطب ماله دواء موصـوف
لأن هــــذا الأمــــر مـحــصــور=بيـديـن مـــن سـبـبـه مـوقــوف
ومنك السعـو وابـذل المقـدور=بالـعـقـل والـلـيــن والـمـعــروف
وللوضع إن ماحصل ميسور=الـصـبــر للمـبـتـلـى مـخــلــوف

ذا أمر في ناتجه مخطور=يبغالـه عــلاج بالمـعـروف
والعقل والعـرف والدستـور=فيه العلاج الـذي مخلـوف

المـرء يسعـى علـى المـقـدور=وبـعـلاجـه المبـتـلـى مـكـلـوف
مــاهــو مـخـيــر ولا مــعـــذور=مهما تكون الظروف ظروف

لــلــي بــجــم الأدب مـشــهــور=وتــــــلازم بــفــنــه الــمــعــروف
لا أستشعر الكاسر المحظور=فـقـط يـجــي للـجـبـر مـلـهـوف

يـامــرحــبــا يـــاذهــــب مــنــثـــور=يـامــن بـإسـمـه تـعـلـى الــنــوف
وش الــــذي ســبــب الـمـنـشـور=مايصـيـر أفـتـي بـلـيـا وصـــوف
=الــــــــــــــــــــــــرد مــــــــــــنــــــــــــي :
تـبـقـون يـالـشـاعـر الـمـشـهـور=بعـذب المعانـي جمـل وحـروف
هـيـا اسـتـمـع حـالــة المـقـهـور=الـلــي بـنــار الأســـى مـحـفــوف
لـي قلـب قـاسـا عظـيـم الـجـور=وأمسـى مابيـن الرجـا والـخـوف
مــن خــل أشـوفـه لعيـنـي نــور=مـاهـو عـلــى راحـتــي مـلـهـوف
=الــــــرد مـــــــن أبـــــــو ربـــيــــع :
لا عــــرف نــافـــع ولا دســتـــور=بــالــود الــلـــي بــنـــا مــايـــروف
مـــن أجـــل هـــذا لا بـــد نــــدور=اعـــذار لـلــي شـقــي مـايـعــوف
اسعـى معـه بالسـعـى المـقـدور=يـمـكــن ودادك حــــداه ظــــروف
وشوف الصبر صاحبه مأجور=اصبـر وتلقـى الصبـر مخـلـوف