يا رب سلم من المحذور=وعوض العبد مـا فاتـه
بحيث ان الحياة غـرور=تغادره فاحـرج اوقاتـه
يكون طيب بها مسـرور=في طرف تفقـد للذاتـه
يا رب لا تكشف المستور=ويعـم للخلـق رحماتـه
ومنه ترك للخطى مغفور=كـذا تـقـول آيـاتـه
والعاقل اللي يشوف النور=يتوب ويرجع لمرضاتـه

اقعد مع النفـس حاسبهـا=اخذ واعطي معهـا بهـون
واصغي اليهـا وخاطبهـا=وقل لها تخـزي الملعـون
وان حاربت فانت حاربهـا=ولاتنهزم عندهـا وتهـون
ولدرب الإصـلاح دربهـا=واحسب حساب الذي بيكون
اصحى في حـزة تسيبهـا=وانت على حسابها مرهون
امامك مواقيـف تحسبهـا=عسرة ومنها تشيب النون
اذكر لهـا المـوت انبهـا=واذكر لها فالقبـر مدفـون
واسألهـا دايـم وجاوبهـا=لعلكم ياصاحبـي تنجـون

ان فاز باراك او شارون=ما يهمنـا قـط بالمـرة
هذا مراوغ وذا ملعـون=والشاهد محمـد الـدرة
تكاتفوا يا عرب تكفـون=لا تتركوا للعـدو غـرة
يا رب تهزم بني صهيون=وتنصـر الأمـة الحـرة

ما يشيل حزني سوى الغفـران=وادخالنـا جنـة الخلـد
رفقة ابائي مـع الأبنـان=والحور مع زوجتي عندي
لقصورها شيد الرحمـن=وزعفران ارضها ونـدي
ولفرشها بيـن القـرآن=اذا اتكأ ينعـش العبـدي
حصبائها الدر والمرجان=وانهارها تروي الكبـدي
شرابها يشفـي الأبـدان=شربه منه تكفي الأبـدي
نخيل اثمارهـا ورمـان=تقديم ما تلمسه الأيـدي
طعامها في المذاق الوان=في ذي ما ذاقه الفنـدي
وعاد فيها نعيـم افنـان=بالعد ما يحصره وجـدي
ويزيدنا نظرة الرضـوان=نظرة لوجهه بـلا حـدي
هذا رجائي مـن الديـان=لو كان حالي على قـدي
وصلاة ربي لولد عدنـان=اللي بنوره لنـا يهـدي
اعداد ما تهمل الأمـزان=بالأمس واليوم والغـدي

يـا رب نسألـك نصرتنـا=في القدس مسرى رسول الله
افعـال الأوغـاد هانتـنـا=وعدونا جـاد فـي طغـواه
مدري متى تسيـر وحدتنـا=ونجمع الصف فـي مجـراه
بنيابهـا كــلاب عظتـنـا=اخواننـا فـي محـطـة آه
هبـوا ودقــوا عدوتـنـا=وقولوا على الـدوم ياربـاه
بإيماننـا ننصـر اخوتـنـا=ولقنـه درس مـا ينـسـاه

راح نتنياهو وجا شـارون=اخس والعن مـن الثانـي
سفاح ويساعـده ملعـون=محتل في كـل الأوطانـي
خبيث ما يرعـه قانـون=ومعاونـه كـل نصرانـي
آه..لـو كـان يجتمعـون=كل العرب صف وحدانـي
بالنار بالحرب بالطاعـون=يمشون في نـص قرآنـي
لوذا حصل ما بقي صهيون=كان انهزم كـل صهيانـي
واحسرتي حسرة المعيون=في سمعنا وشوفة اعيانـي

اوصي جميع الذي عاقـل=يترك جميع الخطا ويتوب
خل التقى شغلك الشاغـل=وانته بهذا العمل ما ثـوب
لا تخلط الحـق والباطـل=خلق مع الحق نحوه صوب
وحاسب النفـس بالكامـل=واذكر لها يومها المحسوب

ميزاننا والفلك دوار= يأتي لنا كل حوليه
يشرح لنا نهضة الأحرار= تأسيس دولة سعودية
اساسها من رجل مغوار= عقيدته صافي النية
وواصلوا سيرها الأبرار=وعهد الفهد ضافي الفيه

صنوين من جذعها نزعت=من نزعها لحقت الجمار
لو الخلائق لها فزعت=الجذع كل يوم في اضمار
لكنها النفس ما جزعت=تسليم للواحد القدار
لو كان في قلبها حزنت=لا حول في قدرة القهار

يا اولادنا اللـي فقدناكـم=لعلكم في جنـان الحـور
احلف لكم مـا نسيناكـم=ودموعنا في الخدود تخور
واحنا على الله احتسبناكم=واستسلم العبد للمقـدور
لكنـه القلـب ينعـاكـم=خيالكم في الدماغ يـدور

دار الفكر في دماغي دار=في دورته ذكرى الماضي
فقد فؤادي ثلاثة أنفار=وأختهم زادت إجهاضي
لو كان قلبي صلته النار=باللي قضى ربنا راضي
انظر عواضي من الغفار=فالآخرة أكسب عواضي
في جنة الخلد والأنهار=الكل منا بها حاظي
وننسى جميع الذي قد صار=فالدار الذي بقي فاضي

لا يا عرب فتشوا انفسكـم=لا بد حاصل خلل في الدين
والا العدو كيـف يغلبكـم=ملعون في محكم التبييـن
والله بالنصـر واعـدكـم=اذا كان انتم معـه وافيـن
ليـه اليهـودي يعذبـكـم=فالقدس يعبث مضاله سنين
ان كـان لدينكـم عدتـم=ياتي لنا النصر والتمكيـن
قـل للعـدو لـو تمكنتـم=لك يوم اسود من القطرين

ياربنا تنصـر الإسـلام=وتعيد له مجده السالـف
سنين ماحد مشى قـدام=وكلنا من العدو خايـف
والغرب خيم علينا اعوام=مع العدو ضدنا واقـف
ارادوا على ديننا الإعدام=والدين في قمته نايـف
يالله يامثبـت الأقــدام=وللأمة المسلمة شايـف
تنزل عذابك على الأقزام=شارون وحزبه الهايـف

خلاص مافي امـل يـدرس=ومقاومـة ضـد إسرائيـل
كل يوم في شعبنا تدعـس=وتقتل الجيـل بعـد الجيـل
محصولنا والثمـر يفـرس=وتقوم بالبطـش والتنكيـل
ومفتح العيـن ذا يحبـس=وتذيقهم من عذاب الويـل
والتاجر ماهو كما المفلـس=ما يستوي في الوزن والكيل
يا ربنـا منـك المخلـص=فأعدائنا يـا قـوي الحيـل

الرب أنهى على صدام=وريح الناس من شره
واللي تحيز معاه وقام=ياحسرته اليوم ياحره
سودان وصنعا وأردن شام=ومنظمه شخصها غره
وبقي الحصاء في بياره تام=أما الزبد سيلنا جره
واللي طبخ في قيدره دام=بياكله والقدر خره
ما أضن يلقى لقدره لحام=والجوع في معدته ضره