نفس العيون ونفس لمحة محياه=لكن كلآمه يختلف عن كلآمه
هز الشعور وجاوب القلب ويلآه=ياصدفة/ن/ كانت عليه ندامه
قعدت أصد أيسار ويمين وإلاه=فيه الشبه ما يفرق ألآ بعلامه!
بغيت أضمه وتعلق على ردأه=لكن عقلي قال صعب/ن/ قيامه
ماظن من حطوه فا القبر نلقاه=حي/ن/ ويمشي لين يوم القيامه
أدعي له بغفران ودعي له أعفاه=أخير من دمع/ن/بخدك وسامه
قلت أه يا قلبي من الحزن ماقوأه=هدم أجدار ألصبر وأعلن حطامه
هذه ثلاث أسنين من عقب فرقاه=وزدنا عليهن مثلهن فوق عامه
سبعٍ مضن والقلب ما قال بنساه= ماكنه ألآقال مع ألسلامه
من عقب مجلسنا على جنب مركاه= يارب حرم عن جنهم عظامه
ياوأه ياقلبي من الحزن ياوأه= إلى ذكرت مزوحنا وهتمامه
كن ألجمر في داخل ألجوف يصلآه=أوكن قلبي ضارباته سهامه
ياحر دمع العين ياناس حراه=وياحر فرقاء أللي بقلبك مقامه
من لامني باللي كتبته وباملأه=عساه ما يهنا دقيقه منامه
ويشرب من الفجعات كاسٍ أملآه= حتى يعض بهام كفه ندامه