دامـت لـك الأيـام يـا لافـي حـمود = شـاعر علم وأيضا شموخ الرجوله
ياشـاعر(ن)لابحرت تبحر بلا أحدود = ومن عالم الاشـعـار كـسـبـك بـطوله
أبـيـات شـعـرك كـنهـا الدر مـنضـود = تـنـقـاد لك شــرد الـفـرايـد خـجـوله
تنصاك عذب المفـرده تحـمل ورود = تطرب لهاجـوسـك وشـعـرن تـقـوله
وغيرك لها مـسـتـنفـذن كل مجهـود = ولك كـنهـا بـرض الخـيال معـقـوله
تملك جواهـر مدهـشه ما تبى شهود = يا ما من عـقـولـن بـشـعـرك ذهوله
أبـيات شـعـرك كـنها نـفـحـة الـعـود = يجـيـبـهـا ريـح الـنـســيـم أمحـموله
ريح الفياض اليااعتلى صهوة النود = الـيا اعـتـلاها واقــبـلـت بـه ذلـوله
يوم الشـعـر ما بين سـايد ومسـيـود = لك مـبـهـم أسـراره تـفــتّـح إقــفـوله
الـمـفـردة في فـكرتك تـفـتـخـر زود = الـبـنـك لافـي والـقــوافي عــمـوله
تدخـل لـمخـزونـه بـلا نـمـبـر وكـود = يــوم ٍ غـيـرك مـا وصـل بالـسـهـوله
ما جـت به ما كـل شـاعر به أيـجـود = ولا كـل مـن يـحـلم بـشــيـن يـطوله
شعـرٍ يموت وصاحب الشعر موجود = وشـعـرن يعــيش بـوقت حـين يقوله
وشعرن رسخ بعقول الاجيال معدود = مـن جــيـل لا جـيل ٍ يـجــدد قـبـوله
صدى حضورن واقعـه غير مجحود = هذا الصحـيح وكل شـخـص وميوله
هذا وانا مالي ورى الـمدح مقصود = الا فـخـر وإعـجـاب في مـا تـقــوله

[table1="width:95%;"]