|
قصيده غزلية
السلام عليكم ورحمة الله وبركاته اهدي لكم هذه الابيات عسى ان تنال اعجابكم انا ماذبـحــني كـــود مــن برقـــعه يزهاه عيون اشقر(ن)تله على الوكــر مسباقه عــلـيـه الله اكــبر كــل مـاحـل لي طرياه ســبـــحــان ربً صــوّره جـــل خـــلاّ قـه عطاه الجمال اليوسفي واكرمه واعطاه على حلو منطوقه بـعـد حـسن باخلاقه عــقب الصّـلاه العـصر جاني يـعد خطاه يخـظ الغـدير ويرفـع الثــوب عـن ساقه سلّـم برمـش العـين ثـم مـدلي يــمناه يقـول انت مبطي يمك النفس مشتاقه تـفرّقـت انا وياّه ويــلـي عــقـب فـرقاه وهـو راح ودمعـوعه على الخـد دفـّاقه وانا لو عذلت القـلب عـن حبــّها ماقواه وانا وعــذابي مـن هــوا لعــذب وفـراقه وانا لذكـرت الـعيـن والعـــنق والمـثـناه يفـز الخـفــوق ويفــتـق الضـــلع ورواقه (التوقيع نديم الجودمساعد الجليدي) |
صح السانك شاعر مبدع |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
قصيده اشبه بالواقع
وابداااااااااااااع مواجع وشاعر محترم |
صح لسانك كلام جميل الله يعطيك العافيه / \ |
مساعد الجليدي صح لسان شاعرها |
يامساعد ..صح لسانك مليون على ها القصيده
والله ياخوك كل ماجيت ابي اقتبس بيت من القصيده يرفض البيت اللذي قبله ..ليش يرفض..يقول انا اجمل وتزاحمت بيوت القصيده على الاقتباس ..وقلت من العدل اني اتركهن كماوجدتهن قصيده في قمّة الروعه وصف راقي ورايق يامساعد الله يعطيك الف عافيه تحياتي وتقديري |
ا
لف شكر لكم اخواني على مروركم وعجابكم دام تواجدكم ودمتم بخير وســــــــــعـــــــــــاده |
الله الله
قصيدة شامخة بشموخ كاتبها معانى وأحاسييس تنساب الى القلوب دون تكلف كنت هنا متأملة وساكون من ضمن المتابعات لارتشق المزيد من هذه الرروائع دمت بمسرات مع ذات العيون المبرقعات . |
الساعة الآن 09:34 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir