عسى المطر يسقي مراكش وأغادير=ويمطر على كازا بتالى نهــــــــــاره
وعلى الرباط يسيل سيله محادير=ويعل حي اكتال حاره وحاره
دار ...................الغنادير=فيهن من الغزلان حليا وشاره
ون قاله الله واسعفتنا المقادير=يمكن شهر واحد نجيها زياره
مليت من دار عليها المعاصير=واشتقت لديار الدلع والحضاره
والعمر يفنى والليالي مداوير=مات الفقير ومات راع التجاره

هلا هلا بك عد ماغرد الطيــــر=ياصاخر بيوت الغزل من مهاره
يا... لك عندي معزه وتقدير=صحيح ماهي يال..... عياره
مدري علامك بالزحم تعكس السير=وتخالف انظمة الطريق ومساره
العام علمي بك اشفوفك على الطير=واليوم تجري خلف دهرة سماره
وشلون وانت اللي بدت بك مغاتير=تلوح في عارضك مثل الاشاره
واخير من طرد البني الغنادير=رفقة رجال ماتحسب الخساره
اليا اجتمعتم يا... حزة اعصير=على الجيوب ومنتوينن اصقاره
وعسى المطر يسقى ديار المناعير=دار بها مركوز ساس الامــــــاره
اديار ربعي مكرمين الخطاطير=اللي منازلهم براس الزباره

ياديرتي مالك حلي(ن) مع الغير=دار الكرم ساس العرب والطهاره
يا ديرتي حبك على كل تقدير=ديرة هل العوجا وراع النعاره
ياديرتي ياديرة العز والخير=لها تشد رحال حج وزياره
غلاك فائق ماتجيبه تصاوير=داري حبيبه لو تزايد غباره
بين النشاما وبين كيف المباهير=يا اللي كساك العز بحشمة وقاره
ياديرة الامجاد فيك المشاهير=ديرة هل التوحيد تحمي شعاره
ياأهل السفر اللي تبون المعاذير=وش جاب ديرتنا لدار الدعاره
مسكين ياراكض لطبل ومزامير=للديره اللي بين مرقص وباره
مسكين يامضيع حياته مشاوير=معلق(ن) قلبه على غير داره
فى دار من ضيع فلوس ودنانير=فى دار من ضيع بسلمه وكاره
ضاعت حياته بين هم ومخاسير=يهديه ربي من حياة الخساره