وادمعي اللي من عيوني تهله=مثل المطر من مزنةٍبرقها يلوح
واقلبي اللي كل هجسٍ يتله=تلت قطيعٍ روحو فيه مسروح
لحقت لهم خيل الطلب مستهله=وثنوا لها في موقفٍ ترخص الروح
وردت عيا والنفس فيها مذله=ياحي ربعٍ مبعدين/ن/ بها الشوح
فعولهم يوم الليالي مخله=يوم القبايل بين ذابح ومذبوح
على الحجاز ملوك في وقت حله=بنو بها مجدٍ وعلو بها صروح
وللآن مازاح الجبل عن محله=لاجيت تلقى للكرم باب مفتوح
وفي نجد شربو من قراحه وزله= بادليهم ماحو من المرجله موح
يشهد لهم وادي الرشا في محله=وطلال نزلو فيه والخصم مجروح
هجسي من ظروف الزمان المعله=اكابد العبرة على مدرج النوح
كل ما بغيت أفيق جتني مظله=مزون ألهموم اللي عن ألقلب ماتروح
بعض العرب حظ الردى قاعدله=لوقام في لحظة على ألآرض مطروح
وبعض العرب حظه كذا فازعله=شي/ن/مقدر قد كتبله على الوح
وياقاري القيفان هذه ادله =كلٍ يواجه في حياته شقى الروح
والله يعدلها رجا راجيٍ له=في قدرة اللي منجي من الغرق نوح

المشاركة الأصلية كتبت بواسطة الأنامل الفضية (المشاركة 932552) صح لسانك اختي لا عدمنا ابداعك

المشاركة الأصلية كتبت بواسطة بعيد الشوح (المشاركة 932584) الشاعره الكحيله لازلت اقول انتي شاعره ملهمه مبدعه هنا قصيده رائعه تستحق الأشاده بكل جداره فكره وموضوع وابداع يستحق الاشاده والقرائه اكثر من مره وفــي نـجـد شـربــو مـــن قـراحــه وزلـــه بادلـيـهـم مـاحــو مـــن المـرجـلـه مــــوح قمة الابداع بالوصف كما انني اجد بهذا البيت رمز بعيد المدى يرمز لحدث تاريخي عظيم يشـهـد لـهــم وادي الـرشــا فـــي مـحـلـه وطــلال نـزلـو فـيـه والـخـصـم مـجــروح هنا دليل على انك شاعره ملهمه كانه بيت املي عليك من ماضي سحيق صح لسانك وسلمت يمينك

المشاركة الأصلية كتبت بواسطة بن فرهود الحربي (المشاركة 932602) صح الله لسانك ولاهنتي وسلم فكرك وبنانك دمتي برعاية الله وحفظة