|
صح الله الساني
ياناس ماني روسول ٍ وأنصح الامه=ولاني بعد جاهلن والعلم يخفاني لاكن قلبي هموم الناس من همه=يعني أنا طيب ٍ والطيب عنواني وأنا بعد شاعر ٍ وأمشي على يمه=والشعر لامن نظمته قام ويحاني لاني جزل وأكتب الجزلات من جمه=جمه بها الماء سبيل لكل عطشاني وادلي بدلوي وكل الناس ملتمه=وأسقيهم الماء وانا ماني بروياني انا اللي خلا الشعر قمه على قمه=وفوق القمم ذيب جر عواه قيفاني ياهل الشعر كل شاعر كفو ماذمه=لاكن ودي واضح شي الاخواني شين يخلي جبال طويق منهمه=ويثور من همها نارن ودخاني ياوجد حالي وجود اللي نشد عمه=يقول ياعم أبويه ليه خلاني وأمي توفت وقلبي زايد ٍ غمه=ياليت ربي خذا عمري ولا حياني ياناس فكري تشتت كيف انا لمه=من شان اوضح لكم موقف وبكاني شفت الولد رافع ٍ يده على حرمه=ودخلها في وسط بيته شوف الاعياني وطرقت بابه وعيا يفتح الرمه=واشوف عود ٍ باعال الصوت ناداني يقول ياوليدي وش لك بالولد وامه=ترى الولد ماهو بعقله وسكراني هلت دموعي وهرج العود ماتمه=واقفيت عنه وانا ضايق وحيراني أقول في نفسي أمه دايم اتزمه=ولاتذوق نوم العرب لاصار تعباني حتى الاكل مايطب فمها قبل فمه=يالله تصلح لها وتهل الامزاني ياناس من عاشت أمه يربط العمه=لبيه وسمي ويشوف اللي تبى ثاني ويبقى على ماتبى والعلم مايزمه=ترى رضى الله رضاها والعمر فاني بالله شوف اليتيم وشالن يشمه=اللي بكى قدم عم ٍ مابه إيماني عم ظلوم ولاله قلب ٍ وذمه=في كل ليله يزيده هم وحزاني ياناس ماني رسول ٍ وانصح الامه=لاكن حبيت اوضح شي لاخواني وختامها ياعرب منهو يشوف امه=يحب يدها وانا صح الله لساني |
صح السانك يالجابري
|
نص كلاسيكي متكامل
واستحق التميز |
اقتباس:
تعجز الكلمات ان تفيك حقك على هذا النص الرائع ومايحمله من هدف سامي تحياتي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك اخوي
لا عدمنا ابداعك |
الساعة الآن 07:09 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir