|
وهني من سج والديرة عشيبه
السلام عليكم ورحمة الله وبركاته اهدي لكم هذه الابيات عسى ان تنال عجابكم كــــثـرة المــجـلاس مافـيـها غـنايم وهني من سـج والديـــره عـشـيـــبه فـارق البـنـيان وخـطــوط القـــسايم وابعد المشـوار مـع طـول المـغــيبه فــوق لنـدكـروز قــطــّاع الخـــرايم مـــن قـرا فـيحــان لــفياض القـلـيبه مــن سحاب الوســم غاشيها قـــدايم عــشبها كــد بان في مكـسر شـعيبه بالجـــباه تعـــلها ســحــبٍ دهــــايم والرعـد مثل الجمل تسمع حطـــيبه يســتمد الشــــــوف ويشــم النـسايم والضحا وعـصيرفي راس الجـذيبه مـــن يلـوم القـــلب تغــــشـاه اللوايم لو يــلـوح بعـارضه ياناس شـــيــبه نـاقـــد العـقــّـيل شــــيال النــــمايم مــن مــبادي هرجــته يظلم نصيبه يحسـب انـّه مستـفــيد مـن الظلايم مادرا انـّّه من مـصــيبه في مصيبه بارد الاحـساس مــشـغــوف الولايم يكـره المـــجـداد ويــحــب الـرويبه مـيزة المـذهــوب مـلعــون الرسايم ماشقــى فـى حــب مـنسوع الذويبه التوقيع نديم الجود مساعد الجليدي |
اخوي مساعد لك رساله في الوارد لاهنت صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ولاهنت وسلم فكرك وبنانك دمت برعاية الله وحفظة |
صح لسانك
.. .. أسجل اعجابي بالقصيدة .. ويعطيك العافيه .. |
مساعد الجليدي
سلمه الله ويستمر الابداع لاهنت يامساعد ومليون مليون صح السانك وعلا شانك اتقان في اتقان لله درررررك تحيتي وتقديري |
الف الف شكر لكم جميعاً على مروركم وعجابكم بهذه الابيات المتواضعه وهذا شرف لي ووسامٍ على صدري دمتم بخير وعافيه |
صح لسانك يانديم الود يانديم الشعر يانديم العلم الغانم
هذا الشعر وهذا القصيد اللي ندور الله يكثر من امثالك وفضلا لاأمرا نبي القصيدة اللي مطلعها البارح العين بالعبرات نضاخة وتقبل كل الاحترام والتقدير |
اقتباس:
لاهنت اخوي عبدالله الفريدي على عجابك وشرحك الجميل وهذا شرف لي ووسامٍ على صدري دمت بخير وعافيه |
كفيت ووفيت ياشاعر الابدااااااااااااع
وننتظر لجديدك |
اقتباس:
لاهنت اخوي على مرورك الجميل دمت بخير وعافيه |
الساعة الآن 05:19 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir