|
يالجنة التحكيم لمزاين الذود
اهداء للشيخ عليان راشد الطهيمي بمناسبة مشاركته في جائزة الملك عبدالعزيز لمزاين الابل
امل ان تنال استحسانكم0
يالجــنة التحيكــم لمزايــن الذود = جتكم مغاتيرٍ وسموا علاهن كلٍ يســمي لاقـبل الذود بركــود = يذكر عزيز الملك عالم خفاهن والا الحلى والزين والوصف موجود = من ربهن تكمل وصايف حلاهن جتكم مغاتير الطهيمي على الزود = سبحان ربٍ بالوصايف عطاهن لها مع المكسب مواثيق وعهود = هن نخبة النخبه ولابه سواهن مايلحق الوحده من الوصف منقود = وصف المزاين بالكمال احتواهن لاعرضن بالماد والذود محشود = تبهر عيون اللي نظر في حداهن في وصفهن ماني على الزور محدود = كل الخلايق شاهدت في حلاهن شرف الاذاني كنها حربة جنود = رثم الخشوم اللي عريضٍ عزاهن سند الغوارب عنقها سيف مجرود = فجحٍ تهول العقل مشية اخطاهن كن البرد ياخذ من الوانها طود = بيضٍ يحير شكلهن من صفاهن مثل المزن لاساقته سبق النود = غطى على روس الجبال وكساهن واللي قناها شيخ بالعرف معدود = يستاهل النوماس شبلٍ قناهن من روس قومٍ سيفها دوم محدود = تسلم يمين اللي بجوده غذاهن حربي على الوقفات والفعل مشهود= حاف المراجل والأوائل خذاهن وياللي ملكتوا بيض وإلا بعد سود = صفوا ضغاينكم وسموا علاهن |
صح السانك وبيض الله وجهك
يستاهل الطهيمي |
الشاعر القدير صنت البدراني
صح لسانك على القصيده الشامخه بشموخ شاعرها وفيت وكفيت يالغالي والطهيمي فوزه فوز لحرب عامه رفع روسنا الله يرفع مقداره |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح السانك وأعتلا شانك ياصنت
والطهيمي يستاهل وعسى الله يوفقه بالمزاين وأبل الطهيمي تستاهل هذا الوصف وبسم الله علاهن على قولتك :0746: بيض الله وجهك على القصيده وبارك الله فيك ودمت بخير |
السلام عليكم ورحمة الله وبركاته سلمت ودمت أخوي الشاعر صنت البدراني على القصيدة . . . جزله ورائعه وصح لسانك أخوك ابوساره |
صح لسانك ياصنت والله يعافيك على القصيدة الجميلة
وكل التوفيق لابو فواز |
جتكم مغاتير الطهيمي على الزود = سبحان ربٍ بالوصايف عطاهن لها مع المكسب مواثيق وعهود = هن نخبة النخبه ولابه سواهن مايلحق الوحده من الوصف منقود = وصف المزاين بالكمال احتواهن صح الســانك |
صحة ابدانكم جميعاً ويشرفني اطلاعكم النير ويعتبر وسام على صدري لكم اجمل تحياتي
|
بسم الله علاهن
ومليون صح السانك وعلا شانك ياصنت قلت واجزلت لاعدمناك تحيتي وتقديري |
الساعة الآن 09:38 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir