بديت باسم الله وللقاف غنيت = أبدا بذكره كل صبح وعشية
علآم خلقه كلهم حي والميت = مجري الرياح وعالم كل نيه
لاتلومني يابو حسن كان ونيت =وأن جاء بوسط القلب نار لظيه
ولا تلومني كان كثَرنّ التناهيت = الناس في نيه وأنا في نحيه
من مجلسي يا طيب الأصل فزيت = والله عليم بالجهر والخفيه
ساعة عرفنا في خبر ذايع الصيت = ملك حكم بالعدل بين الرعية
رمز الشهامة والوفاء كان حليت = ولأمة الإسلام رمز الحمية
هذا بطل ماعنه بالشعر وفيت = كل يعرفه سيرته عالميه
هذا ملك وإنسان من دون تصويت = سليل مجد العزوة الوايلية
شافاك رب البيت يا خادم البيت = خادم حرم مكه ومسجد نبيه
عن خدمة الإسلام ابد ما توانيت = يشهد على قولي جميع البرية
رقيت صرح المجد فوق و تعليت = حكيم رأي ما يهاب المنية
طلبت ربي كل ما أصبحت وأمسيت = انه يجنبك المرض والاذيه
وعلى نبي الخير صلوا وصليت = عداد براق سطع نور ضيه

المشاركة الأصلية كتبت بواسطة رابح الجحدلي (المشاركة 926829) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة السهم الحربي (المشاركة 926835) شفى الله خادم البيتين وبيض الله وجهك يا أبو ناصر على القصيده وفقك الله وإلى الأمام

المشاركة الأصلية كتبت بواسطة بن فرهود الحربي (المشاركة 926880) صح الله لسانك ولاهنت وسلم فكرك وبنانك دمت برعاية الله وحفظة