ملتقى قبيلة حرب الرسمي - صاحبي ودليل الخاطبات

جاءنى على الايميل دليل الخاطبات ...وكنت بالامس قد كلمت صديق لى مزواج ان صح التعبير بالسابق
وكنت أريد أزوره فى مدينته وسألت أن كان موجود بالعطله والا كالعاده مسافر لزوجته الاخرى واخبرني أنه (مطرود) على حسب تعبيره فأحببت ممازحته وأرسل له دليل الخاطبات وأربطها بكلمة مطرود فى أربعة أبيات
فكانت هذه الممازحه ولقد رد علي ثم رديت عليه

وين الشجاعه اللي بها كنت معهود=كلن شهد لك بالشجاعه شهاده
يا صاحبي يومنك أصبحت مطرود=يا صاحبى دور جديد الوساده
أغنم زمانك كان الوقت محمود=والشيخ مثلك مايعاف الزياده
أرسلت لك دليل مطلبك موجود=عطنى جوابك فى سريع الافاده

دليل الخاطبات

نوع الزواج الجوال مدينة الإقامة البلد اسم الخاطبة

رد صاحبي علي

لا لا تحداني ترى ماأنت مقرود=نشرب قراح الماء ترا الكيف ساده
والعد نرده مايبي جهد مجهود=أن احمد لله ما نصينا العياده
نشري العسل ونبيع من غالي العود=حنا لبسنا الطيب لبس القلاده
خزنة ظفر مقيولة ماتبي شهود=كرمان فى السلم والحرب قاده
ما بغى الدليل اللي لنا فيه منقود=خل الدليل للي قليل(ن) سناده

ردي على صاحبي

الامر سلم ولايبي حرب وجنود=نبغى نشجعكم لدرب السعاده
بينت مابك فود ولافيك مجهود=تبي الفرار لا طرولك سواده
عزاه ياحر(ن) له المجد مرصود=كل(ن) على التاريخ يذكر هداده
الحر ماينعاف لو قرنس العود=يحفظ له التاريخ ذكر و إشاده